Çörçill Putinlə necə danışıqlar aparardı..?

...ABŞ prezidenti Donald Tramp Rusiya lideri Putinlə danışıqlar aparmağa çalışır, lakin Uinston Çörçildən fərqli olaraq Moskvaya təzyiqləri zəiflədir və Avropanın tam iştirakı olmadan hərəkət edir.

Britaniya baş naziri də diktatorlarla sövdələşməyə hazır olardı və Kiyevi çətin şərtləri qəbul etməyə inandıra bilərdi, lakin güc mövqeyindən danışıqlar aparmağı zəruri hesab edərdi...

SİA-nın əldə etdiyi məlumata görə, bu barədə Newsweek yazır.

...Oktyabr ayında Trampın xüsusi elçisi Stiv Vitkoff Putinlə doqquzuncu dəfə görüşüb və onu "humanist" adlandırıb. Bundan əvvəl Vaşinqton Rusiya dizel yanacağının tədarükü ilə bağlı razılığa gəlib və sanksiyaların bir hissəsini dayandırıb.

Eyni zamanda, Tramp Ukraynanı müharibənin maliyyələşdirilməsi üçün vacib olan Rusiyanın neft emalı zavodlarına hücumları dayandırmağa çağırıb.

Tarixçilər xatırladırlar ki, Çörçill də ciddi kompromislərə yol vermişdir.

1944-cü ildə o, İosif Stalinlə Rumıniya və Yunanıstanda nüfuzun bölüşdürülməsi barədə razılığa gəlir. Lakin İngiltərə baş naziri əks güzəştlər axtarırdı. Çerçill 1946-cı ildə Rusiya haqqında demişdi: "Onların güc qədər yüksək qiymətləndirəcəyi heç nə yoxdur".

...Exeter Universitetinin tarixçisi Riçard Toyenin fikrincə, siyasətçilər arasında prinsipial fərq danışıqlara yanaşmadır. Çörçill diplomatik təmasları inandırıcı təhdidlərlə gücləndirərdi və danışıqlar masasında avropalı müttəfiqləri görmək istərdi.

Bundan əlavə, Böyük Britaniya lideri yəqin ki, Ukraynanın müqavimətinə daha çox rəğbət bəsləyəcəkdi. Tarixçilər istisna etmirlər ki, o da Kiyevə cəbhədəki vəziyyəti real qiymətləndirməyi təklif edərdi.

Tramp öz strategiyasının səmərəliliyini sübut etməli olacaq, əgər Moskvaya güzəştlər davamlı atəşkəsə və yanacaq qiymətlərinin aşağı düşməsinə səbəb olmazsa, o, Kremlə təzyiqləri zəiflətmək riski ilə qarşılanacaq.

Çörçill hətta kinli sövdələşmələr edərkən də əlverişli şərtlər axtarırdı.

Əli Babayev