İsa Qəmbərov və Əli Kərimov sədr kürsülərində qalmaq üçün ətraflarında təmizləmə işləri aparırlar

İsa Qəmbərov:

Sədr qalacağam, nə qədər sağam,
Ətrafda seyrəltmə aparacağam,
Mənə yardım edər lütfkar dığam,
Siyasi meydanda yanıb-bişərəm,
Dramdan, qrantdan yeyib şişərəm,
Xaricin əlində oyuncaq şərəm.

Əli Kərimov:

Başıma son vaxtlar qafil yığılır,
Seyrək atmosferdən adam sıxılır,
Bir çox cəbhəçilər qaçıb dağılır,
Yetkili əlindən tutmuşam vərəm.

İsa Qəmbərov:

Söndün siyasətdə qəfil şam kimi,
Şöhrət qazanmadın heç "Madam" kimi,
Tanındın çox zəif bir adam kimi,
Başqanam, mən səndən fərqli bəşərəm.

Əli Kərimov:

Çox qədim olmayan soyun açılıb,
Get-gedə qısalan boyun açılıb,
Başıma o qədər oyun açılıb,
Bir qədər yumşalmış dəymədüşərəm.

İsa Qəmbərov:

Əli qəmə batır səviyyəsində,
Çürüyüb, kif atır səviyyəsində,
Düşüncən bir qatır səviyyəsində,
Yalan deyirəmsə, mən əsil xərəm.

Əli Kərimov:

Qurşaqdan yuxarı çıxsa qonorar,
Cibimi yandırıb-yaxsa qonorar,
Xaricdən sel kimi axsa qonorar,
Mən də siyasətdə köpüb şişərəm.
İsa Qəmbərov:

Beynimdən silmişəm ölüb-itəni,
Əlimlə boğaram naqis gədəni,
Yanımdan qovaram hər bir gedəni,
Başqan seçilməsəm, gözlər deşərəm.

Əli Kərimov:

İndi hər bir yetən nüvə toplayıb,
Xaricdən mal, öküz, dəvə toplayıb,
Özümə əlavə qüvvə toplayıb,
İnşallah, meydanda yenə bişərəm.

İsa Qəmbərov:

Ayağım meydana gərək sürüşə,
Hazıram yürüşdə yeni görüşə,
Qovuşmaq istərəm mitinq-yürüşə,
Necə Əslisinə can atır Kərəm.

Əli Kərimov:

Kəfənlənibdisə aylarım, ilim,
Artıq çalınısa öz son təbilim,
Dalana dirənsə avtomobilim.
Yetsə dayanacaq, enib düşərəm,

İsa Qəmbərov:

Mənim tək olmamış hər hədəf vuran,
Döşünə döyməsin Müsavat quran,
Məni hədəf seçir yerindən duran,
O qədər yorublar, artıq qan-tərəm.
Əli Kərimov:

Yoxsa əməlimdə ciddi bar-bəhər,
Dayanıb qarşımda bir gözəl səhər,
Mənə kürsüdən get desələr əgər,
Dalıma baxmadan gözdən itərəm.

İsa Qəmbərov:

Əlbəttə, kürsümdə durmuşam qayım,
Bu başqanlıq postu Tanrıdan payım,
Əgər desələr ki, başqan olmayım,
Atıb öz kürsümü izsiz gedərəm.

Əli Kərimov:

Puldan da keçərəm xatir kürsümə,
Ay da şəfəq saçır bədr kürsümə,
Aşiqəm öz doğma sədr kürsümə,
Sözsüz, bu sahədə səndən betərəm.

İsa Qəmbərov:

Önümə yel çıxıb, yelə etmişəm,
Coşqun sel çıxanda, selə etmişəm,
Belə et deyəndə, belə etmişəm,
Elə et desələr, elə edərəm.

Əli Kərimov:

Göz çıxsa, mənzilə gözsüz yetəmərəm,
Üz padoşa dönsə, üzsüz yetmərəm,
Əlim yetməyənə, sözsüz, yetmərəm,
Bağıma daş atsan, sənə yetərəm.

İsa Qəmbərov:

Yumruğun əzildi üz çapığımdan,
Başın şiş bağlayıb hər lopuğumdan,
Araz aşığımdan, Kür topuğumdan,
Coşqun çaylar kimi özüm də kürəm.

Əli Kərimov:

Əgər qovğa üçün genişsə eşik,
Sözsüz, axtarardım siçan tək deşik,
Güclü həmlə etsə adi bir pişik,
Zəiflər üstündə amansız şirəm.

İsa Qəmbərov:

Kənarda hay-küylü, ortada səyəm,
Qorxuram tezliklə qəddimi əyəm,
Etiraf edirəm, çürük meyvəyəm,
Vurar ürəklərə turşumuş şirəm.

Əli Kərimov:

İçi boşaldılmış kiçik burazam,
Sən çox natarazsan, mənsə tarazam,
Mən Xudafərinli coşqun Arazam,
Sən dedin mənsəbi killənmiş Kürəm.

İsa Qəmbərov:

Güngörməz yaralı, kiriş-kirişdi,
Demə ki, bu yerdə başqan ilişdi,
Kürsüm qurultayda saxlansa işdi,
Gərək Aya doğru üç ağız hürəm.

Əli Kərimov:

Saçlıyam, sən isə saçı yolunan,
Bosslar işlədiblər səni pulunan,
Başqansan, adi və əvəzolunan,
Mən əvəzolunmaz xalis liderəm.