Radikallar bədxahlarımızla xalq əleyhinə sazişə girir

Eldar Namazov:

Qalıb radikalın ancaq əyrisi,
Müsavat, ADP, Cəbhə, qeyrisi,
Qolunu çirməyib tez hər birisi,
Xaricə ver mənə deyirdi, payı,
Düşmən erməniyə həmçinin, dayı,
Rusu adlandırıb mehriban ayı.

Vurğun Əyyubov:

Söz deyən adamın olmalı üzü,
Atalar deməyi xoşlamış, düzü,
Danışma ağzına gələn hər sözü,
Çırmanıb keçməmiş ən dayaz çayı.

Eldar Namazov:

Kommersant olan var səməni ilə,
Gəzməkdə bossların çəməni ilə,
İsa sövdələşir erməni ilə,
Elə Əlinin də çıxıbdı zayı.

Vurğun Əyyubov:

Bossların yanına cığır salmaqçün,
Dığa pulu yeyib fikrə dalmaqçün,
Keçirdin, cüzi bir qrant almaqçün,
Xaricdə yeraltı ən dərin layı.

Eldar Namazov:

Xaricə işləyən asan qamarlar,
Lider bir erməni başı tumarlar,
Əli də, İsa da qrant qamarlar,
Var hər birisinin layiqli tayı.

Vurğun Əyyubov:

Dığanı oyuna tez qata bildik,
Bossla arzumuza həm çata bildik,
Payızda bir blok yarada bildik,
Fillər qulağında yatdıq biz yayı.
Eldar Namazov:

Cəbhəni dağıdıb qəsdən bir ara,
"Yurd" Əli susadı bir vaxt qanlara,
Baxıb göz altından manukyanlara,
Drama tuşladı İsa da yayı.

Vurğun Əyyubov:

Xaric pul verməsə qalarıq gözsüz,
Bosslar darıxardı qalsaydı bizsiz,
Avroya çevirib dramı, sözsüz,
Sevirik içməyi Yerevan çayı.

Eldar Namazov:

Edərək özünə çətir postundan,
Başqan da almadı ətir postundan,
Gedər liderlərin sədr postundan,
Mənə inanmasan, gözləyin mayı.

Vurğun Əyyubov:

Fırlatmaq çox çətin kiçik çarxı da.
Mitinqdə gözaltı eylə nırxı da,
Dəf edə bilmirsən kiçik arxı da,
İsa dənizlərin üstdə qağayı.

Eldar Namazov:

20 il oturdun adi masanda,
Yenə güləcəyəm sizlər qusanda,
Başqan Yerevana ayaq basanda,
Axçi təklif edər ona çarpayı.
Vurğun Əyyubov:

Gör necə bacardı İsa "Madam"la,
Boss da qarşı gəlir bir dolu camla,
Dil tapa bilmədin beş- üç adamla,
Nitqiylə susdurar başqan alayı.

Eldar Namazov:

Qəlbinin başından sən qopar közü,
Onlar xatırladır bir nimdaş bezi,
Yaxşı rəqs edərdi "Yurd" Əli özü,
Başqandan çıxardı yaxşı sərpayı.

Vurğun Əyyubov:

Bizə süfrə açar erməni Şamda,
Dimayla içmədim artıq qram da
Avro da, dollar da, hətta dram da,
Yağar başımızdan peydər havayı.

Eldar Namazov:

Dollar, avro, dram edib kor sizi,
Faciə, fəlakət qamarlar sizi,
İçindən yeyəcək həmkarlar sizi,
Əsla lazım deyil düşmən alayı.

Vurğun Əyyubov:

Sən çox eşələndin "ANİF" külündə,
Qədrini bilmədin biz tək gülün də,
Çimdi Əli, İsa qızıl selində,
Siz gümüş bildiniz adi qalayı.
Eldar Namazov:

Tərəddüd etdiniz siz neçə dəfə,
Çatmadı əliniz yaxın hədəfə,
Cəbhə hökumətə gələn ərəfə,
Doldura bilmədi sizlər sarayı.

Vurğun Əyyubov:

Asılıb qalmışdın sərt rif qulpundan,
Tez tuta bilmədin sən cib qulpundan,
Yapışdın sərsəm bir "ANİF" qulpundan,
Sən tapa bilmədin bundan qolayı.

Eldar Namazov:

Moskva zəhmindən xaric yatıbdı,
Başqan şadlığından şıllaq atıbdı,
O qədər qışqırıb, səsi batıbdı,
Bir qulağa çatmır indi harayı.

Vurğun Əyyubov:

"ANİF"-in kənarda bidətçi qalıb,
Dost daşnak bizlərə diqqətçi qalıb,
Əli bəy özü də millətçi qalıb,
İsa bəy andırır məşhur Gərayı.

Eldar Namazov:

Yaxşılar nitqində zayı deməzdi,
Putinə "moy milıy ayı" deməzdi,
Heç kəs erməniyə dayı deməzdi,
Əlidən, İsadan, sizdən savayı.

Vurğun Əyyubov:

Sən adi vətəndaş, bizlər bəy, ağa,
Yoxuşa enirsən, çıxırıq dağa,
Sizdən dəfələrlə gedib uzağa,
Bizim partiyanın adi tupoyu.