Hazırda konstruktiv müxalifət varmı?

Araz Əlizadə:

Əli Vaşinqtonda pisləyir bizi,
İsa yerli-yersiz izləyir bizi,
Etibar nədənsə gözləyir bizi,
Görsün ucalmağa varmı bir macal?
Pulla yaratmağa varmı bir vüsal?
Bizdə də konstruktiv varmı radikal?

Qabil Hüseynli:

İfratı qorxutmaz heç xortdan-xoxan,
Zirvəyə yüksələr hissini boğan,
Başını istidən soyuğa soxan,
Gərək bağlayaydı pambıqdan bir şal.

Araz Əlizadə:

Radikallar rəzil, cığal olurlar,
Xaric qarşısında sual olurlar,
Çoxlu pul alanda xoşhal olurlar,
Bossu qınayırlar verəndə az yal.

Qabil Hüseynli:

Bossların pulunu ulu tutanlar,
Özünü onların qulu tutanlar,
20 il ifratlıq yolu tutanlar,
Başları ağrıyıb, olublar həm çal.

Araz Əlizadə:

Radikallıq edib, küncdə yatanlar,
Azalıb tükənib Şollar dadanlar,
On illər avro və dollar dadanlar,
Konstruktiv mövqeyə çevirməkdə dal.

Qabil Hüseynli:

Bərəkət "Azadlıq" "VİP"-lərindədi,
Liderlər enişin diblərindədi,
Gözümüz bossların ciblərindədi,
Bizi sevindirir, düzü, bu cür hal.
Araz Əlizadə:

Hər lider olubdu radikal Məmiş,
Hətta tərəqqiyə qoydular qəmiş,
Sizi mənəviyyat düşündürməmiş,
Məşğul etməkdədi əmtəələr, mal.

Qabil Hüseynli:

Pisləməsək, bossdan aman olarmı?
Bizə yaşamağa güman olarmı?
Boss pulu yeməyə imkan olarmı,
Əgər ağzımıza biz açsaydıq fal?

Araz Əlizadə:

İsa çatmaq istər rahat nöqtəyə,
Əli, Lalə gedir azart nöqtəyə,
Radikallıq çatsa ifrat nöqtəyə,
İşin mahiyyəti olarmı şümal?

Qabil Hüseynli:

Bloklar kütləni azdırsa əgər,
Pul üçün tələlər qazdırsa əgər,
Şəhərdə konstruktiv azdırsa əgər,
Necə artırmalı onları mahal?

Araz Əlizadə:

Radikal yönümlü işiniz nədi?
Sizi qızışdırır bossların bədi,
Qalan qurumunuz sürünməkdədi,
İnşallah, tezliklə olacaq pamal.
Qabil Hüseynli:

Bosslar başlarına tökməkdədi dür,
Deyirik, İsa, ye, get ömrünü sür,
İsanı, Əlini pul düşünüdürür,
Yalnız pul qazanmaq olubdu amal.

Araz Əlizadə:

Normal olmaq üçün yox sizdə istək,
Siyasi meydanda qalmısınız tək,
Sizə fayda verməz siyasi dəstək,
Çətin kömək etsin sizlərə rəmmal.

Qabil Hüseynli:

Opponent rəqibi daim gic görər,
Ən ağıllı işi yalnız bic görər,
Boş yerə, de, kimlər yaxşı iş görər?
Gətirdim mən sənə lap adi misal.

Araz Əlizadə:

Radikal bloku alaq basıbdı,
Basıbdı, özü də, qalaq basıbdı,
Qazanc ehtirası aşıb-daşıbdı,
Bu, yaxşımı haldı, yoxsa ki, pis hal?

Qabil Hüseynli:

Əli də, Lalə də solub qalacaq,
İsa bulud kimi dolub qalacaq,
Radikal, radikal olub qalacaq,
Deyirəm, ay Araz, yumayaq babal.
Araz Əlizadə:

Nə qədər girmisiz ifrat köşkünə,
Düşmüsüz o qədər miskin, pis günə,
Sizə o pul verən bossun eşqinə,
İndi siz götürüb çalın tar-qaval.

Qabil Hüseynli:

Pul üçün radikal ölümə gedər,
Qərb özü pulunu daim sərf edər,
ABŞ qrant verir kifayət qədər,
Yardım göstərəcək İsaya Şimal.

Araz Əlizadə:

Qərbdə və ABŞ-da goplamısınız,
Qarın yoğunladıb uflamısınız,
Çox mənfi enerji toplamısınız,
Odur ki, olmusuz hamınız bihal.

Qabil Hüseynli:

Çox olub liderlər qusa yerində,
Bəzisi tərs durur qısa yerində,
Möhkəm dayanıbdı İsa yerində,
Səhnədən çıxırlar Sərdarla İqbal.

Araz Əlizadə:

İşi əl altdan gör, həm zərif eylə,
Çalış başqanı tez hərif eylə,
Sən gəl öz İsanı az tərif eylə,
Artıq boşalmaqda radikal çuval.

Qabil Hüseynli:

Qərbdə, Vaşinqtonda yalayıb qabı,
Odur ki, tükənib başqanın tabı,
Hələ mükəmməldi İsa mizrabı,
Sən də bu mizrabla vurmaqdasan xal.