Pənah Hüseynovun qalmaqallı ömür fəlsəfəsi

Qiyas Sadıxov:

Tarixi keçmişim, yenim özüməm,

Keçmiş sədrə belə qənim özüməm,

AXP-nin sədri mənim özüməm,

Çıxın partiyadan Pənah adını.

Əhməd Orucov:

AXP-dən qaçıb, "İP"-dən qaçıbdı,

Sərsəm xülyalarda Pənah uçubdu,

Mənim başıma da bəla açıbdı,

Allah alsın onun xoş saatını.

Qiyas Sadıxov:

Fərəhindən yaxşı Pənah qəmi də,

Lap tez-tez tuturdu sərsəm dəmi də,

Pis idi AXP sədri kimi də,

Qırmaq çox çətindi tərs inadını.

Əhməd Orucov:

Söz batırmaq olmur qalın gönünə,

Dərisi çevrilib malın gönünə,

Harda kim gəldisə gözü önünə,

Söyüşsüz qoymadı qızı-qadını.

Qiyas Sadıxov:

Qoy adamlığı da lap fəna qalsın,

Rəzil, xatakardı, ziyana qalsın,

Pənahın çörəyi o yana qalsın,

Yemək mümkün deyil, hətta cadını.

Əhməd Orucov:

Bişirib çıxarmır ağzında sözü,

Gözü bir alaca dananın gözü,

Pənahdan pisini görmədim, düzü,

Gördüm özümdən də mən bərbadını.

Qiyas Sadıxov:

Əliyə, İsaya dönmədi yonu,

Radikal durumda çatıbdı sonu,

Sərdarın "XP"-si açmadı onu,

O, çapa bilmədi "İP"-də atını.

Əhməd Orucov:

Mənim çox günümü o, gecə etdi,

Çaqqaldı, özünü o, cücə etdi,

Şahmatda həmişə heç-heçə etdi,

Çox arzulasam da onun patını.

Qiyas Sadıxov:

Bilmir nə bir şeri, nə bir bayatı,

Görüb siyasətdə hər bir boyatı,

O, davam etdirə bilmir həyatı,

Salıb boğazına kəndir, çatını.

Əhməd Orucov:

Onun tələləri çıxıbdı boşa,

Bu gün Pənah yaman düşüb təlaşa,

Çox dəyib başı da daşlardan daşa,

Gördü süqutunu, həm öz çatını.

Qiyas Sadıxov:

Pənah AXP-də, həm "İP"-də də nol,

İndi Qərb önündə oynamaqda rol,

Pənah tək liderlər it xılı tək bol,

Özüm tək liderin gördüm qıtını.

Əhməd Orucov:

Narkotik maddəni bütün tutubdu,

Pənah bir əlində tütün tutubdu,

Mitinqdə hər biri üstün tutubdu,

Polis dəyənəyi, Pənah odunu.

Qiyas Sadıxov:

Pənahda görmədim öz həmdəmimi,

Ondan gizlətmişəm daim qəmimi,

Görmədim Pənahı heç vaxt səmimi,

Hərarətsiz gördüm ürək odunu.

Əhməd Orucov:

Bir vaxt başımıza çıxdısa Pənah,

Gurlayıb şimşək tək çaxdısa Pənah,

Nə qədər yuxarı qalxdısa Pənah,

Azaltdım həmişə onun xodunu.

Qiyas Sadıxov:

Qərbə göz gəzdirir rəngli çul üçün,

Pənah xod da gedib min üsul üçün,

Çoxlu qrant üçün, çoxlu pul üçün,

O, qurban verərdi kəsib budunu.

Əhməd Orucov:

Gözləri kiçilib çuxurda qaldı,

Qəlbinin xıltı da paxırda qaldı,

Pənah bu dəfə də axırda qaldı,

Dəf edə bilmədi reytinq sütunu.

Qiyas Sadıxov:

Pənaha mən verdim düzgün yozumu,

Bir vaxt süpürərsən ayaq tozumu,

Rüsxət ver kökləyim mən öz sazımı,

Dedim kənara dur, çal öz udunu.

Əhməd Orucov:

Partiya ləbindən çəkdim ləbimi,

Mən onun cibinə qoydum həbimi,

Nə o, qavramadı mənim dəbimi,

Nə mən başa düşdüm onun modunu.

Qiyas Sadıxov:

Pənahla nə qədər tən gəzdimsə də,

Bir fayda görmədim mən gəzdimsə də,

Pənahdan nə qədər gen gəzdimsə də,

Onun ətrafında gördüm lotunu.

Əhməd Orucov:

Qaşqabaq göstərdi, sifət elədi,

Pislik gördü, dedi Əhməd elədi,

O, məni kafeyə dəvət elədi,

Həmişə mən verdim onun şotunu.

Qiyas Sadıxov:

Burda mən sədr oldum, qələbə çaldım,

Pənahı qısnayıb qəlibə saldım,

Ağzını aradım, könlünü aldım,

Öyrənə bilmədim onun kodunu.

Əhməd Orucov:

Minir onun-bunun haram cipinə,

Pivə çəlləyinin girir dibinə,

Pənah boss pulunu qoydu cibinə,

Kənara tulladı bomboş qutunu.

Mirzə QƏRƏNFİL