“İP” daxilində AXCP (İ) -Müsavat birliyi məsələsi səngimir

Tofiq Yaqublu:

Birlik məsəlini İsa qabardıb,

Əli tərəf ipi geriyə dartıb,

Ancaq bundan sonra problem artıb,

"İP" bu məsələni yarımçıq qoyub.

Fuad Qəhrəmanlı:

Sizin Müsavatdan iyrənir adam,

Sizə inanmaram, desə də atam,

Biz bu məsələyə vermişik xitam,

Çünki ondan mən də, sədrim də doyub.

Tofiq Yaqublu:

İsaya söz verdi beş-altı sərək,

Sizin cəbhə ilə oyuna girək,

Biz təklif etdiksə, birləşək gərək,

Yalan söz söyləmək deyildi ayıb.

Fuad Qəhrəmanlı:

Sizin Müsavatın hər səyi qəliz,

Sevinci, fərəhi, gileyi qəliz,

İsanın çərənçi mövqeyi qəliz,

Əli bu yalana yamanca uyub.

Tofiq Yaqublu:

Cəbhə qurumları heç yenə bilmir,

"Yurd" Əli nitq deyib nə dinə bilmir,

Sədrin heç bir yerə tərpənə bilmir,

Əliyə pul verən xarici soyub.

Fuad Qəhrəmanlı:

Öz dilinlə desək, ulu başqanın,

Qərbin, Vaşinqtonun qulu başqanın,

Sənin o məkrlə dolu başqanın,

Sədrin ayağının altını oyub.

Tofiq Yaqublu:

Neytral meydanda durub saç yolaq,

İsa arzu etmir, əsla, qəlp olaq,

Kimlərsə istəmir biz bir qəlb olaq,

Yadlaşmağımıza kimlərsə qıyıb.

Fuad Qəhrəmanlı:

Demə ki, o tip, ya bu tip eyləyib,

Arada nə olub, bil, "İP" eyləyib,

İsa birləşməyi təklif eyləyib,

Özüsə sonralar olubdu qayıb.

Tofiq Yaqublu:

Sabah nə olacaq, sonu bilmirik,

Açılarmı "İP"-in donu, bilmirik,

Əli nə sayıbsa, onu bilmirik,

İsa saydığını fələk də sayıb.

Fuad Qəhrəmanlı:

Heç biri cəbhəyə yerləşmir deyə,

Əliylə İsa bəy sirləşmir deyə,

Cəbhəylə Müsavat birləşmir deyə,

Xarici mətbuat məlumat yayıb.

Tofiq Yaqublu:

Əli öyünməsin ki, dədəmizdi,

Müsavat başqanı ümman dənizdi,

İsanın vicdanı safdı, təmizdi,

Üzərinə düşən günahı yuyub.

Fuad Qəhrəmanlı:

Başqanın yalandan dirəşə bilməz,

Əliylə birliyə girişə bilməz,

Müsavat cəbhəylə birləşə bilməz,

Bunu ilk olaraq "Yurd" Əli duyub.

Tofiq Yaqublu:

Yalan vədlər vermək işləyib genə,

Əli də, İsa da verməkdə gönə,

Müsavatla cəbhə birləşməsinə,

Yardım edə bilməz heç Rəcəb Tayyib.

Fuad Qəhrəmanlı:

Qaynar ehtiraslar daşa bilməyib,

Əsəbilik həddi coşa bilməyib,

İsa bəy o həddi aşa bilməyib,

Əli bəy baryeri artıq adlayıb.

Tofiq Yaqublu:

"İP"-də qeyd olunub Müsavat dəmi,

Sıfırdı yalançı vədlərin cəmi,

Yalandan vəd verib əvvəlki kimi,

İsa bəy sizləri yaman odlayıb.

Fuad Qəhrəmanlı:

İsa bəy ilk dəfə düzünü görüb,

Qorxubdu, rəqibin üzünü görüb.

Əlinin qəzəbli gözünü görüb,

Sənin başqanının bağrı çatlayıb.

Tofiq Yaqublu:

Bizim Əli bəy də inanmayacaq,

Başqan heç "İP"-də də sınanmayacaq,

İsa bu dəfə də qınanmayacaq,

Cücərməyən yalan toxum partlayıb.

Fuad Qəhrəmanlı:

Başqanın yalanı çatıb qırxa da,

Bizlər fərq qoymuruq mizan, nırxa da,

İsanı bir xeyli qoyub arxada,

Sürət götürərək Əli xodlayıb.

Tofiq Yaqublu:

Odlu-odlu baxar cəbhə tərəfə,

Başqan vurmaqdadı hələ hədəfə,

Əliyə kəf gələr hələ min dəfə,

Bossdan dəstək alan İsa şadlayıb.

Fuad Qəhrəmanlı:

İnanmıram İsa bəd işdən bezər,

Bunu "İP"-çilər də kənardan sezər,

Salır Müsavata Əli xoş nəzər,

Son zaman İsa da yaman yadlayıb.

Tofiq Yaqublu:

Bəlkə də çatlayıb canda buxarı,

Əli boş qoyubdu yəqin axarı,

Tutaraq özünü bir baş yuxarı,

Ona kəf gəlməyi İsa modlayıb.

Fuad Qəhrəmanlı:

Öyrənib, necə ki, cumur şir ətə,

Yəqin ki, üstünlük verib sürətə,

Əli son zamanlar gəlib cürətə,

Bunu görən İsa xeyli zadlayıb.

Mirzə QƏRƏNFİL