Birləşə bilməyən müxalifət parçalanır

Tahir Kərimli:

Arzu-diləkləri olubdu pamal,

Hələ yetişməmiş, hər birisi kal,

Birləşək desə də hər bir radikal,

Birləşə bilmirlər, parçalanırlar.

Qabil Hüseynli:

İfratın radikal donu birlikdi,

Min bir ayrılmanın 10-nu birlikdi,

Hər bir dağılmanın sonu birlikdi,

Sadəcə, fikirlər haçalanırlar.

Tahir Kərimli:

Qranta yönəlib onların meyli,

Sayır özlərini əzmkar, heyli,

Əvvəllər birlikdən dəm vurub xeyli,

Son anda dartışıb parçalanırlar.

Qabil Hüseynli:

Daxildə dialoq bizə yad deyil,

"İP"-də də vəziyyət hələ pat deyil,

Onlar heç süqutdan narahat deyil,

Sadəcə, daranıb qıçalanırlar.

Tahir Kərimli:

Söykənərək Qərbin tişələrinə,

Aludə olublar nəşələrinə,

Çəkilib illərin guşələrinə,

Əlilər, İsalar qocalanırlar.

Qabil Hüseynli:

Liderlər müntəzir Qərb qılığında,

Batıblar bossların lehmə lığında,

"İP"-in intəhasız ucalığında,

Onlar özlərini uca sanırlar.

Tahir Kərimli:

Süqut anınızdı, siz az əlləşin,

Gedin siz xaricə qrant mələşin,

"İP"-də Əli ilə İsa lələşin,

Düşüb nəhs girdaba qoşa yanırlar.

Qabil Hüseynli:

Onlar andırırlar anaş pişiyi,

Hər biri də duyur dərhal pis iyi,

"İP"-in damındakı böyük deşiyi,

Qrant atılacaq baca sanırlar.

Tahir Kərimli:

"İP"-çilər uyurlar fitnəyə-felə,

Boss qrantı üçün qururlar tələ,

Heç nədən başları çıxmasa belə,

Deyirlər ki, guya nəsə qanırlar.

Qabil Hüseynli:

Kütləni səsləyir "İP"-çilər hərbə,

Opponentlərindən alırlar zərbə,

Ümid gözlərini dikərək Qərbə,

Bir boss görən kimi cibə qonurlar.

Tahir Kərimli:

Özlərini ali məqam sayırlar,

Yalan məlumatlar xalqa yayırlar,

Guya stabillik arzulayırlar,

Radikallıqları da tamam danırlar.

Qabil Hüseynli:

"İP"-də yüksəlməkdə səsin ahəngi,

Sındırmaq çətindi bizim nəhəngi,

İndi az görürük narıncı rəngi,

Artıb sıramızda bozlar, qonurlar.

Tahir Kərimli:

Sərsəm xülyaları çıxmaqda boşa,

Ümidləri yaman dirənib daşa,

Süqut məqamını düşərək başa,

Sizdə liderlər də tez-tez sınırlar.

Qabil Hüseynli:

Dəf etmək çox çətin narın azarı,

Sarıb liderləri qarın azarı,

Son vaxtlar kasaddı "İP"-çi bazarı,

20 il əvvəli onlar anırlar.

Tahir Kərimli:

Əlinin, İsanın çıxıbdı şoru,

Qrant silkələmir son vaxtlar toru,

Yatıbdı "ideya generatoru",

Pozulub baş beyin, bütün sınırlar.

Qabil Hüseynli:

Özlərinin yabı, cır atlarında,

Çarə arayırlar Basatlarında,

Dövranın bu isti saatlarında,

Durub bosslar üçün heykəl yonurlar.

Tahir Kərimli:

Bunlar su tökməyir bir vələsə də,

Xorla bir çoxları "boss" mələsə də,

Günəş başlarına od ələsə də,

Yazıqlar üşüyür, yaman donurlar.

Qabil Hüseynli:

İndi öz hayında "İP" içrə hərə,

Qabaqda zirvə yox, bir dərin dərə,

Cərəyan verməkçün bizimkilərə,

Bosslar uzadırlar Qərbdən şunurlar.

Tahir Kərimli:

Radikal səmərə bir çürük qoza,

Yerindən tərpənmir, basırlar qaza,

İfratlar hamını yığıb boğaza,

Onları pis lider kimi tanırlar.

Qabil Hüseynli:

Əslində, "İP"-çilər zəif, nolsa da,

Arzular, niyyətlər artıq solsa da,

İş görmək nə qədər çətin olsa da,

Onlar bosslarından pul qazanırlar.

Tahir Kərimli:

Əyilib Əlinin, İsanın qəddi,

"İP" keçə bilmədi baryeri, səddi,

Sizin liderlərdə şövq sönməkdədi,

Həyatdan bezikir, həm usanırlar.

Qabil Hüseynli:

Bir piket diriltmir İsa nəfəsi,

Üzünə bağlıdı Əli qəfəsi,

Olmur heç Qərbə də getmək həvəsi,

Onlar elə "İP"-də tir uzanırlar.

Mirzə QƏRƏNFİL