İsa Qəmbərov Aram Manukunyandan dəstək umur

İsa Qəmbərov:

Aram Manukunyan dəstəyi vacib,

Onun Müsavata istəyi vacib,

Mənim üçün Aram təzəyi vacib,

Bu cür dəstəkçiylə həmişə varam.

Qubad İbadoğlu:

Dram hesabıyla satacaqdı pay,

Üstümə xaricdən atacaqdı pay,

Mənə də başqan tək çatacaqdı pay,

Elə İsanı da yedirər Aram.

İsa Qəmbərov:

Mən heç vaxt demədim postdan doyaram,

Ya pislik edənə azca qıyaram,

Qubadı yerimə başqan qoyaram,

Aram da qoyacaq cibimə dram.

Qubad İbadoğlu:

Başqan həm tələyə, həm girə düşdü,

İsanın kürkünə min birə düşdü,

Payızda qurultay təxirə düşdü,

Qışda başqan olub taparam aram.

İsa Qəmbərov:

Bizə pul verəcək hətta Ayaz da,

Dəstək tapacağam Aram işbazda,

Sədr olmayacam mən gələn yazda,

Bunu eşidəndə göynəyir yaram.

Qubad İbadoğlu:

Qarnımı ağrıdır acı bir vərəm,

Mən Əsli olardım, Aram da Kərəm,

İsanı tez əvəz etmək istərəm,

Gərilən əsəbim olmaqda taram.

İsa Qəmbərov:

Həmkarlardı vuran qəlbimə yara,

Aram göndərəcək mənə zərxara,

Gələcəyə gedən magiyam qara,

Kinimi əvəzlər qəlbimdə qaram.

Qubad İbadoğlu:

Sanma Müsavatda yeri qalıbdı,

Xiffətdən bir sümük, dəri qalıbdı,

İsa liderlikdə geri qalıbdı,

O, narın yağışdı, ağ soyuq qaram.

İsa Qəmbərov:

Məni məyus etdi gedən onillər,

Doymadı qrantdan gödən, onillər,

Mən postdan doymadım ötən onillər,

Mənə başqanlığı ediblər haram.

Qubad İbadoğlu:

İsanın yamanca qaralıb qanı,

Haray-qışqırığı tutub dünyanı,

Özünə cəlb edir Manikunyanı,

Onda qanacaq yox, hətta bir qram.

İsa Qəmbərov:

Həm gerçək bilərdim əfsanə olsa,

Gedərəm xaricə, o, qane olsa,

Aramla sövdəmə kim mane olsa,

İstərəm əlimlə dağıdam, cıram.

Qubad İbadoğlu:

Başqanın sonuncu arzusu bitsin,

Orda nə istəyir, onu da etsin,

Qoy İsa Aramın yanına getsin,

Başqan olmaq üçün hazırdı məram.

İsa Qəmbərov:

Qrant verən yoxdu qramdan başqa,

Xəsarət vuran çox, yaramdan başqa,

Məni bəyənən yox Aramdan başqa,

Yəqin kütləşibdi mismarım, koram.

Qubad İbadoğlu:

İndi etibar yox əsil dostuna,

Tutaq asan da az səlis tostuna,

Çoxları can atır başqan postuna,

Guya mən görmürəm, yaxud da koram.

İsa Qəmbərov:

Bunlar bəyənmirlər Aramı belə,

Çox pis pul sayırlar dramı belə,

Daim qanadıblar yaramı belə,

Zahirə çıxıbdı daxili xoram.

Qubad İbadoğlu:

Özüm Müsavatda sədr qalardım,

Manukunyanlardan qrant alardım,

Pulum çox olsaydı başqan olardım,

Bütün ciblərimdə tükənib param.

İsa Qəmbərov:

Qapını bağlayır üzümə barlar,

Məni çıxdaş edib şüuru darlar,

Gülünc görünürəm deyir həmkarlar,

Ehtiyat edirəm Aramı yoram.

Qubad İbadoğlu:

Kimi elədimsə dəvət mən şama,

Çoxusu göndərmək istəyir dama,

Dərdimi demişəm iki adama,

Göyərib hər iki gözümdə "faram".

İsa Qəmbərov:

Heç kimə vermədim vəkilliyə haqq,

Heç kəs pisləməsin Aramı nahaq,

Çoxu məni sayır ulduzu parlaq,

Hələ üç il əvvəl sönübdü çıram.

Qubad İbadoğlu:

Çapsam da zirvəyə dördnalla atı,

İstər çevir tatı, istər vur tatı,

Cəlb edə bilmirəm elektoratı,

Bu gün Müsavatda seyrəlir sıram.

İsa Qəmbərov:

Xaric qismətimə Aramı yazıb,

Qara-qura məni lap çoxdan basıb,

Hər biri vedrəni arxamdan asıb,

Üzümə verurlar bir çapıb, "şram".

Qubad İbadoğlu:

Taleyin əksinə fırlanır təkər,

Gözümə əbədi qaranlıq çökər,

Başqan seçilməsəm qışda da əgər,

O zaman topal, şil, həm də kar-koram.

MİRZƏ QƏRƏNFİL