Müsavat başqanlığına iddialıların sayı artmaqda davam edir

Rauf Arifoğlu:

Onun həm də dərdi-əzabı artıq,

Kəkələməkdədi xitabı artıq,

Bağlanıb İsanın kitabı artıq,

Çoxalıb postuna göz dikən gözlər.

Vurğun Əyyubov:

Başqanlıq postuna şərik Hacıyev,

Türmədə əsəbi gərib Hacıyev,

Arzu Səmədbəyli, Arif Hacıyev,

İsadan könüllü istefa gözlər.

Rauf Arifoğlu:

Sarıb Müsavatı tifil hücumu,

Səfilə layiqdi səfil hücumu,

Görəndə bu qədər qəfil hücumu,

İsa da dərdini qəlbində gizlər.

Vurğun Əyyubov:

Son məqamda gəlib axıra düşüb,

20 ildən sonra axura düşüb,

İsanın gözləri çuxura düşüb,

Başı xarab olub, bükülüb dizlər.

Rauf Arifoğlu:

Ağzını açanda tökülür qatıq,

Şəkəri qalxıbdı, ordları batıq,

İsa əski kimi köhnəlib artıq,

Bosslar onu qoyub, bizləri bizlər.

Vurğun Əyyubov:

İsa dözə bilmir heç tablayaraq,

Gərək biz günləri hesablayaraq,

Arifi, Arzunu qabaqlayaraq,

Gərək posta doğru yönələk bizlər.

Rauf Arifoğlu:

Bəd gündə dəyibdi zərbə dostlara,

Artıq etibar yox körpə dostlara,

Tuşlanıb səmtimiz Qərbə, bosslara,

Qrantlara doğru aparar izlər.

Vurğun Əyyubov:

Boss yeməyi keçmir nəfəs borumdan,

Başqanlıq həvəsi getmir şüurumdan,

İstərlər əkilsin tezcə qurumdan,

Onlar kabus kimi İsanı izlər.

Rauf Arifoğlu:

Bir boss da əlinə vermir bir kasa,

Əlindən çıxmaqda tutduğu masa,

Dördəlli yapışıb postundan İsa,

İndi kəsərsizdi lüzumsuz sözlər.

Vurğun Əyyubov:

Orda Jirinovski, burda Sem dayı,

Yaman şirinləşib indi boss payı,

Posta göz dikənin artmaqda sayı,

Başqanlıq üstündə cəmləşib həzzlər.

Rauf Arifoğlu:

Başqan yorulubdu, bu, bizə bəlli,

Xəz köynək tikərdim mən ona güllü,

İstefa versəydi İsa könüllü,

Bax, bu hal bizlərdə gəlişi tezlər.

Vurğun Əyyubov:

Süzülüb gedibdi qəlbinin bağı,

Mütəmadi sancır onun dalağı,

Qurumda çəkməkdə İsa gözdağı,

Onun sinəsinə basılıb közlər.

Rauf Arifoğlu:

İsa dönüb olub bir sümük-dəri,

Onu sevməyənlər ondan betəri,

Deyirlər İsaya çatar gücləri,

Sayır özlərini şah yıxan ferzlər.

Vurğun Əyyubov:

Nitqi də tükənib, qısalıb dili,

Standartdan artıq nazilib beli,

Postdan qopmaz İsa diriykən ölü,

Sancılıb köksünə neştərlər, kürzlər.

Rauf Arifoğlu:

İndi Müsavatda şuluqdu işlər,

Bir fayda da vermir Qərblə görüşlər,

İsanın postuna qıcanıb dişlər,

İçi mən qarışıq bozarıb üzlər.

Vurğun Əyyubov:

Həvəslə bu postu tutandı Pənah,

Bizim namizədlər qoysaydı hərgah,

İsa istefaya gedir, ay Allah,

İndi qan ağlayır dərələr, düzlər.

Rauf Arifoğlu:

İndi Müsavatda postda yuva dar,

Namizəd gözü kor, qulaqları kar,

Bosslar da çıxardı ona havadar,

Onu dəstəklərdi cümleyi-ərzlər.

Vurğun Əyyubov:

İndi möhtac qalıb başqan, postuna,

Dram alıb çıxar İşxan postuna,

Onlar çıxan kimi başqan postuna,

Deyirlər dəyişər həyatda tərzlər.

Rauf Arifoğlu:

Son dəfə oturub fikrə dalırlar,

Öz əməllərindən razı qalırlar,

Artıq bu başqanı yola salırlar,

İsa yolu üstdə bağlanıb dərzlər.

Vurğun Əyyubov:

Canlara vəlvələ salmaq istəyir,

Bədxahlardan qisas almaq istəyir,

İsa öz yerində qalmaq istəyir,

Arxa plandadı gümanlar, fərzlər.

Rauf Arifoğlu:

Qərbdə azalmaqda bossların sayı,

Bunlara erməni olubdu dayı,

Elə İsa özü onların tayı,

Maskalı sifətlər çürümüş bezlər.

Vurğun Əyyubov:

Gərək mən İsanı ağ bezə büküm,

Namizədlərlə də itidi hökm,

İsa getməlidi, qətidi hökm,

Əsəblər gərilib, qabarıb hirslər.

Mirzə QƏRƏNFİL