“Vahid namizəd” olmaq istəyənlərin sayı artır

Əhməd Oruc:

İndi sağlıqlara deyilir bokal,

Qərbdə də bəm üstə çalınır vokal,

Sanki səfərbərlik edib radikal,

"Vahid namizəd"lik həvəsi artıb.

Yusif Bağırzadə:

İfrat zilə qalxıb, onlarda pəs yox,

Elektoratlardan verilən səs yox,

Mən AMİP sədriyəm, bizdə həvəs yox,

Onların namizəd qəfəsi artıb.

Əhməd Oruc:

Sərdarı, İqbalı, Laləsi, bəli,

Namizəd olmaqçün atıb təməli,

Burun sallayıblar İsaynan Əli,

"İP"-də də bəduğur nəfəsi artıb.

Yusif Bağırzadə:

Rauf da, Arif də bu yolla gedər,

Əli Əliyev də çırpınar hədər,

Radikal çöhrələr saçmaqda kədər,

Ərəbin faciə Kufəsi artıb.

Əhməd Oruc:

Canilər bəyənmir Nahidi indi,

Çeynəyib töküblər Vahidi indi,

Qərb təyin eləyir zahidi indi,

Radikalın rindi, sufisi artıb.

Yusif Bağırzadə:

Siyasət onlarçün bir oyun olub,

Radikal kütləşib zır qoyun olub,

Bosslar yenilikcə pul boyun olub,

İfratın pitisi, küftəsi artıb.

Əhməd Oruc:

Qışqırırlar - bayır, küçə bilmirlər,

Namizəd adından keçə bilmirlər,

Özlərinə lider seçə bilmirlər,

İfratın kəfəni, mafəsi artıb.

Yusif Bağırzadə:

Xaric gətirməkdə bizə tufanlar,

Artıb sıralarda dollar qapanlar,

İndi sevinməkdə Aristofonlar,

İfratların komik Lütfisi artıb.

Əhməd Oruc:

Qərblə hər işini şən, ilıq edir,

Bosslarına min naz, həm qılıq edir,

Radikal liderlər mollalıq edir,

İsa, Əli kimi müftisi artıb.

Yusif Bağırzadə:

İfratlar ilk olub iflası döyən,

Çoxalıb narıncı libası döyən,

"Vahid namizəd"lik davası döyən,

"İP"-in də bol lider itkisi artıb.

Əhməd Oruc:

Namizədlik eşqi geniş max alıb,

İsa bəy bosslardan pulu şax alıb,

Qazanc dairəsi xeyli yuxalıb,

Milli mentalitet "İP"-də yoxalıb,

Qərbin liberallar bitkisi artıb.

Yusif Bağırzadə:

Bossun radikala dəstəyi mütləq,

İfratların Qərbdə özəyi mütləq,

Xaricdən pul almaq istəyi mütləq,

"İP"-də qurumların çyotkisi artıb.

Əhməd Oruc:

Yalnız maliyyədə ifrat fərağı,

Qərb pul verib, ruslar süzüb arağı,

Artırıb bizlərdə xaric marağı,

Burda pula həvəs metkisi artıb.

Yusif Bağırzadə:

Rus qəfil soruşdu: "Zaçem plakal?"

Radikallar dedi: "Azdı skandal"

Əsla qane olmaz bizim radikal,

Pulla dolu bossun vahəsi artıb.

Əhməd Oruc:

Süstləşib qrantsız durumlarımız,

Xariclə əlləşir torunlarımız,

Bütün müxalifət qurumlarımız,

Xristian Qərbi sahəsi artıb.

Yusif Bağırzadə:

Hər biri yanında qərbli həyanın,

Onlara deyən yox, bircə dayanın,

İfrat namizədi arzulayanın,

Son vaxtlar kükrəyən gur səsi artıb.

Əhməd Oruc:

Bossların bağından gül dərənlərin,

Əlbəttə, gedərdi işləri sərin,

Bizlərə az qrant göndərənlərin,

Zili olmasa da, bəm pəsi artıb.

Yusif Bağırzadə:

"İP"-çilər dönübdü öz məzhəbindən,

Bosslardan ayrılan çıxıb kəbindən,

Kim sərvət toplayıb Qərbin cibindən,

Qapısında küknar, vələsi artıb.

Əhməd Oruc:

Vurulub ölkənin pirinə möhkəm,

Qərq olublar "İP"-in kirinə möhkəm,

Bossu salmaq üçün girinə möhkəm,

Hər bir radikalın tələsi artıb.

Yusif Bağırzadə:

Güclü qüvvəsi də tən zəifinin,

Pullar güclüsünün, dən zəifinin,

"İP"-çi radikalın ən zəifinin,

Qüssədən çox ağır şələsi artıb.

Əhməd Oruc:

Yolunu gözlərlər Herkel, Qrossun,

Nolar, qoy onların dediyi olsun,

Bizim radikallar, zəhərli bossun,

Zəif qurbağası, gələzi artıb.

Yusif Bağırzadə:

Onlar hədəfində buğalarının,

Əsiri erməni dığalarında,

Hər biri xarici ağalarının,

Tələsinə düşmüş, dələsi artıb.

MİRZƏ QƏRƏNFİL