Rəsul Quliyev  bəzi müxalifət partiyalarını öz tərəfinə çəkib

Əli Orucov:

Rəsul qayıtmağı tutubdu rəhbər,

Altında hazırdı təyyarə-kəhər,

O vaxt Avropaya edəndə səfər,

Etibar Rəsulla söhbət eyləyib.

Rəsul Quliyev:

Yığa bilmir adi görüşü belə,

"İP"-in azalıbdı hürüşü belə,

Mitinqi, piketi, yürüşü belə,

Radikal qurumlar qəhət eyləyib.

Əli Orucov:

Deyiblər etsinlər radikalı məhv,

Etibar tar, Rəsul götürübdü dəf,

Danışıq aparan hər iki tərəf,

İfratçün çox ciddi cəhət eyləyib.

Rəsul Quliyev:

Əlini rədd edir hər ittifaqlar,

Eşitdim dağıdıb İsa tifaqlar,

"İP"-in daxilində olan nifaqlar,

Mənə Avropada ləzzət eyləyib.

Əli Orucov:

Birinci növbədə o, rulu tutsun,

Rəsulu İsadan da ulu tutsun,

Hamını ataraq Rəsulu tutsun,

Etibar bu cürə sərt vəd eyləyib.

Rəsul Quliyev:

"İP"-də qarşıdurma, nifaq məzəli,

Başlayıb işinə payız xəzəli,

Mən yaxşı bilirəm İsayla Əli,

Hər nə edibdisə, çox bəd eyləyib.

Əli Orucov:

Radikal drumda azalıb para,

Sağa-sola vurur burada tara,

Son günlər onlarçün gününü qara,

Heç kütlələr də yox, millət eyləyib.

Rəsul Quliyev:

Sözümü Laləyə deyib Etibar,

Mirmahmudun mənə etimadı var,

Əliyə, İsaya yoxdu etibar,

Kütlələr onlara zillət eyləyib.

Əli Orucov:

Radikal liderlə "İP" içrə fəhlə,

Başlıca işləri ləhlə ki, ləhlə,

Rəsul da xaricdən baxıb fərəhlə,

AMİP-i xaricə dəvət eyləyib.

Rəsul Quliyev:

Cibimdəki pullar bizləyir məni,

Çoxlu pərəstişkar izləyir məni,

"Azadlıq", "Aydınlıq" gözləyir məni,

Onlar mənə təkrar minnət eyləyib.

Əli Orucov:

Yaxşı başa düşüb edibdi günah,

"ACP"-yə baxır gözücü Pənah,

Rəsul Etibarçün xarici, vallah,

Onunçün bir həftə cənnət eyləyib.

Rəsul Quliyev:

"İP"-in liderləri batıbdı yasa,

Əldən çıxmaqdadı qrantlar, masa,

Qoşulub bu yöndə Əliyə İsa,

Bu ona, o buna sünnət eyləyib.

Əli Orucov:

Rəqibi həm pulsuz, zəif sanaraq,

Sözünü deyibdi pörtüb yanaraq,

Rəsul sözarası "İP"-i anaraq,

Bir qədər turşumuş sifət eyləyib.

Rəsul Quliyev:

Onlar çox zəifdi gəlib keçsə də,

Mən güclü atomam, "İP" küt meçsə də,

Etibar burada çox yeyib-içsə də,

Meydan, kütlə üçün xiffət eyləyib.

Əli Orucov:

Radikal əlləri çatmayıb ətə,

Odur ki, keçibdi indi qələtə,

Rəsul liderlərə, müxalifətə,

Etibar önündə nifrət eyləyib.

Rəsul Qulyev:

Mən də lənətlədim "İP"-i töhmətlə,

Kütlələr yığılır yəqin sürətlə,

Etibar yanıma gəlib cürətlə,

Qədəmi mübarək, zəhmət eyləyib.

Əli Orucov:

Yorulan liderlər etmir ar belə,

Yalanı edirlər min şüar belə,

Bunu təsdiq edir Etibar belə,

Rəsul gələcəkdir, o, qət eyləyib.

Rəsul Quliyev:

Məndə ilahidən olsa güclü təb,

Qəbul etməkdəyəm şəfa verən həb,

Mənim gecikməmdə yox ciddi səbəb,

Nə edib xəstəlik, səhhət eyləyib.

Əli Orucov:

Özünü qızdırma, tifdən qovacaq,

Bir çox bədxahları liftdən qovacaq,

Əlini, İsanı "İP"-dən qovacaq,

Rəsul yüz and içib, bir əhd eyləyib.

Rəsul Quliyev:

İsa, Əli görür bossun dalların,

Onlar çevrilibdi indi valların,

Qarın ağrısını radikalların,

Hindistandan gələn bol ət eyləyib.

Əli Orucov:

Hələ başındadı Əlinin şoku,

İsanı vurubdu "ACP" toku,

AMİP-in Rəsulla bu dialoqu,

Xain ürəkdə möhnət eyləyib.

Rəsul Quliyev:

Əlləm-qəlləmlərə mən əlləm-qəlləm,

Yaxşı həmkarlarçün açıqdı kəlləm,

Çarter reysi ilə Bakıya gəlləm,

Gördün çoxu məni həm mədh eyləyib.

MİRZƏ QƏRƏNFİL