İsa Qəmbərin istefa ssenarisini Əli Kərimli hazırlayıb

Arzu Səmədbəyli:

Sən də öz sədrini naşı bilirsən,

Qrantı bossların aşı bilirsən,

Əli Kərimlidi, yaxşı bilirsən,

İstefa səbəbi İsa Qəmbərin.

Gözəl Bayramova:

İsa ağ və gödək, Əli çox uzun,

Necə kaman möhkəm, iti ox uzun,

Əlinin mənalı nitqi çox uzun,

Məntiqsiz sözləri qısa, Qəmbərin.

Arzu Səmədbəyli:

İsa olan yerə heç qədəm atmaz,

Onun ah-naləsi eli oyatmaz,

Əlinin əlləri kürsüyə çatmaz,

"İP"-də də olacaq masa, Qəmbərin.

Gözəl Bayramova:

Başında tük azdı, başqanın keçəl,

Bizim sədr başqana qaldırmaz heç əl,

Əlinin olacaq Novruzda Keçəl,

Sənə vəd edirəm Kosa, Qəmbərin.

Arzu Səmədbəyli:

Dodağı bal-qaymaq gəlinin əli,

Sədrinin əlidi ölünün əli,

Yetər bir dələyə Əlinin əli,

Çox hiyləgər olan lisa, Qəmbərin.

Gözəl Bayramova:

Başqan yürütməkdə ard siyasəti,

Ən yaxşı siyasət "Yurd" siyasəti,

O bəla gəlişmə qurd siyasəti,

Bu, bizim Əlinin, osa Qəmbərin.

Arzu Səmədbəyli:

Keçici xəstəlik salsın Əliyə,

Arzu edən pudra alsın Əliyə,

Gözəllik salonu qalsın Əliyə,

Təsbehlə birlikdə əsa, Qəmbərin.

Gözəl Bayramova:

Bu yerdə deyibdi dəli müsəlman,

Əli müsəlmandı, Vəli müsəlman,

Zərif olsa belə Əli, müsəlman,

Olsun İsa ilə Musa, Qəmbərin.

Arzu Səmədbəyli:

Burda qışqır-bağır salana kimi,

Əli gəlib çıxıb dalana kimi,

O xarici pasport alana kimi,

Bossun göndərdiyi kasa, Qəmbərin.

Gözəl Bayramova:

Elə bil, dəliyə edibdi pislik,

Rəzilə, ziliyə edibdi pislik,

20 il Əliyə edibdi pislik,

Çıxacaq önünə tasa, Qəmbərin.

Arzu Səmədbəyli:

Təpədən-dırnağa İsa Əqidə,

Yeriyə bilməyir Əli səkidə,

Sənin Əlin oxşamır bir igidə,

Oxşarı çox çex Yan Qusa, Qəmbərin.

Gözəl Bayramova:

Əli bəy bilirdi başqanı fağır,

İnşallah, tezliklə olacaq yağır,

Onun sifətindən bədxahlıq yağır,

Batsın qəm-kədərə, yasa, Qəmbərin.

Arzu Səmədbəyli:

Gözünü çəksəydi "İP"-də postlardan,

Başı açılıbdı əgər tostlardan,

Cəsarəti olsa Əli, bosslardan,

Pul alıb cibinə basa Qəmbərin.

Gözəl Bayramova:

Cəbhəyə dönsəydi, qurda dönərdi,

Sərsəm iddiadan burda döndərdi,

Təsiri olsaydı, "Yurd"a döndərdi,

Az təsiri vardı bossa, Qəmbərin.

Arzu Səmədbəyli:

Bu adam keçibdi civarı, səddi,

İsadan cavandı, əyilib qəddi,

"Yurd" Əli yüz faiz Herkel sifəti,

Oxşarı yox heç Qrossa, Qəmbərin.

Gözəl Bayramova:

Əli düz davrandı, dürüstlük etdi,

Bosslara güvəndi hərislik etdi,

Cəbhəyə, Əliyə çox pislik etdi,

Ağzından-gözündən qusa, Qəmbərin.

Arzu Səmədbəyli:

Kütlələr cəbhəyə hürsə, sizindi,

Kərtənkələ bizim, gürzə sizindi,

"Soros" qrantı az versə sizindi,

İşdi, həddən artıq yazsa, Qəmbərin.

Gözəl Bayramova:

Pozublar İsanın kefini yaman,

Altına ataraq ot-ələf, saman,

Yüksəyə qaldırar Əlini zaman,

Kolluqğdan gizlicə pusa, Qəmbərin.

Arzu Səmədbəyli:

Yumruq-təpkilərə, dizlərə qalsın,

Onun siyasəti düzlərə qalsın,

Əli daz olmasa sizlərə qalsın,

Olsun, təsadüfən dazsa, Qəmbərin.

Gözəl Bayramova:

Dayazsan istərsən başqan olasan,

İsanın canına iflic salasan,

Ay Arzu, arzumdu yetim qalasan,

Özünü ağacdan asa, Qəmbərin.

Arzu Səmədbəyli:

"İP"-də biz yeyirik balqabaq, kahı,

Sıramızda gördün bizim Pənahı,

Bosslar Qərbdən gəlib, hər bir günahı,

Yumasa Əlinin, yusa, Qəmbərin.

Gözəl Bayramova:

Təəssüf, qrantı çox dadlı görüb,

Bossu sülaləli, əcdadlı görüb,

Əlini o, qollu-qanadlı görüb,

İstərəm, çəkinib mısa, Qəmbərin.

MİRZƏ QƏRƏNFİL