Müxalifətin mitinq sevdası qarşıdurma yaratmaq məqsədi daşıyır

İsa Qəmbərov:

Bizi gözləməkdə pullu görüşlər,

Görərik Qərb üçün münasib işlər,

Tezliklə keçirib çoxlu yürüşlər,

Yaradarıq əsil iğtişaş, üsyan.

Tahir Kərimli:

Qərb sizi oynadır bollu nemətlə,

Çağırsanız belə yüzlərlə fitlə,

Sizinlə təmasdan qaçmaqda kütlə,

Öz həmkarınıza vurarsız ziyan.

İsa Qəmbərov:

Bossa yalmanmağı etmişik peşə,

Bu hal canımızda keçib vərdişə,

Meydana gələnə verərik nəşə,

Özümüz də içib olarıq piyan.

Tahir Kərimli:

Sizin hamınızda üz, bəniz, qaçıb,

Altınızdan böyük stul, miz qaçıb,

Artıq çoxdan sizin ilməniz qaçıb,

Sizə olmayacaq bir kimsə həyan.

İsa Qəmbərov:

Başımız həmişə qalıbdı qalda,

Bosslar da çox qoyub bizi zavalda,

Qoymuşam Əlini, Sərdarı dalda,

Vahid lider mənəm, olubdu əyan.

Tahir Kərimli:

Həm çox yaşlı, həm xlamsan,

Siyasi meydanda xamsan,

Özün də çox pis adamsan,

Bədlikdən yoğrulub mayan.

İsa Qəmbərov:

Çox vaxt mən Qərbdə qalıram,

"Sos" siqnalını çalıram,

Bossdan çox qrant alıram,

Əlində yox cüzi mayan.

Tahir Kərimli:

Əqrəb nola qarışıbdı,

Ayaq kola qarışıbdı,

Başın pula qarışıbdı,

Pozulub tərəzi-miyan.

İsa Qəmbərov:

Bossun qrantında həyat,

Bu yöndə verdim bəyanat,

Sən məndən kiçiksən qat-qat,

Mənə söymə, olsun həyan.

Tahir Kərimli:

Zirvədən enəcən pola,

Bərabər olarsan nola,

Qayıtmazsan sən düz yola,

Arxanda hazırdı payan.

İsa Qəmbərov:

Mərifət yox daxılında,

Yerinizdə qaxılın da,

Bizlər onun daxilində,

Qərb qaynadır yeni tiyan.

Tahir Kərimli:

Qrant damır qaşığından,

Arazla Kür aşığından,

Məhrumsan gün işığından,

20 il olmayıb ziyan.

İsa Qəmbərov:

El narazı əməlindən,

Yıxılmısan təməlindən,

İstərəm vura dilindən,

Səni bir zəhərli çayan.

Tahir Kərimli:

Danışırsan ağır-ağır,

Sifətindən zəhər yağır,

Müsavatda işin ağır,

Qərbə kimdi səni sayan?

İsa Qəmbərov:

Qarşımda durubsan zökəm,

Daim oldun qırıb-sökən,

Olmamısan heç vaxt möhkəm,

Muma dönüb möhkəm qayan.

Tahir Kərimli:

"İP"-də sən öz çastından get,

Ağırsansa mostundan get,

Ayıqsansa, postundan get,

Yatmısansa ayıl, oyan.

İsa Qəmbərov:

Hər bir işə qarışırsan,

Pis gününlə barışırsan,

Elə yalan danışırsan,

Guya qızıldandı tayan?!

Tahir Kərimli:

Marağında pul davası,

Yəqin Qərbin boş qafası,

Başında qrant sevdası,

Daim gördüm bossa uyan.

İsa Qəmbərov:

Pul verəndə döşləyirdin,

Nə verirdim, dişləyirdin,

Şəxsin mənə işləyirdin,

Sən tar çaldın, mən də bayan.

Tahir Kərimli:

Müsavatda çox pis durdum,

İflasa getməkdə qurum,

Qrantdan da oldun mərhum,

İindi get ye çayır, biyan.

İsa Qəmbərov:

Dayananda sən girişdə,

Həmişə demişəm "piştə",

Əlində gəlmir bir iş də,

Yerində farağat dayan.

Tahir Kərimli:

Bura gələn piyan oldu,

Sənə çoxlu ziyan oldu,

Nə həmkarlar həyan oldu,

Nə boss olsu səni duyan.

MİRZƏ QƏRƏNFİL