22 aprel mitinqi - İsa və Əlinin gözü ilə

İsa Qəmbərov:

22 apreldə keçirmərik qəm,

Viskidən vuraraq olarıq həm dəm,

Mitinq olacaqdı böyük, möhtəşəm,

Güc allıq Leninin al bayrağından.

Əli Kərimov:

Qərbli bossları da salarıq bəndə,

Adam gətirərik 20 min də,

Leninin növbəti ildönümündə,

Mitinqdə vurarıq tut arağından.

İsa Qəmbərov:

Bosslar adımızı igid qoyacaq,

Kütlə nəşə dadıb dərhal uyacaq,

Qərb özü mükəmməl sevinc duyacaq,

Sənin tək, məni tək dost sorağından.

Əli Kərimov:

Dəvələr, pələnglər gətiriləcək,

Belində fişənglər gətiriləcək,

Bizimçün çələnglər gətiriləcək,

Amazon çayının düz qırağından.

İsa Qəmbərov:

Həm şöhrət gətirər mitinq, həm də şan,

Xaric sinəmizə taxacan nişan,

Bosslar da bizlərə edər ərməğan,

Çoxlu pul ödəyər bank varağından.

Əli Kərimov:

Sözləşərik Qərbin min bici ilə,

Gələlər bərbərlər ülgücü ilə,

Ələddin göndərər div gücü ilə,

Kütləyə sehirli mil çırağından.

İsa Qəmbərov:

Sağa sığınanlar bezib sol verər,

Mitinq yaxşı keçsə, pulu bol verər,

Biz mitinq keçirrik, bosslar pul verər,

Hər tərəf danışar öz marağından.

Əli Kərimov:

Parisdə deyərsən tost Əli ilə,

Qrant da alansan dost əli ilə,

Mitinq yaxşı keçsə, boss əli ilə,

Saçın da daranar öz darağından.

İsa Qəmbərov:

Sənət öyrənərik şeytandan, cindən,

Bizə dəstək gələr İrandan, Çindən,

Tutaram sovetin mən çəkicindən,

Sən isə Leninin küt orağından.

Əli Kərimov:

Şübhəsiz, dəyişər xeyli vəziyyət,

O vaxt təmin olar maraqlar, niyyət,

Bizlər çəkəcəyik yaxşı əziyyət,

Mitinqin, yürüşü xoş fərağından.

İsa Qəmbərov:

Meydanda əməlli axıtmarıq tər,

Qərb bizi pul ilə sınağa çəkər,

İcazə almasaq mitinqdə əgər,

Gərək yararlanaq boss yarağından.

Əli Kərimov:

Mitinq alınmasa sürüyər bizi,

Boss ilə qoşular, boğar tər bizi,

Sevinc, fərəh hissi bürüyər bizi,

Mitinqin, yürüşün xoş növrağından.

İsa Qəmbərov:

"İP"-lə bosslar ilə oyuna girək,

Qrant az olarsa, çevirək kürək,

Boss bizə lap çoxlu pul versin gərək,

Su içdik mitinqin saf bulağından.

Əli Kərimov:

Qayğımızı "Soros" çəkir söyləyək,

Sözümüzü yekdil və bir söyləyək,

Gərək biz müstəqil fikir söyləyək,

Tutaq qoşa əllə boss qulağından.

İsa Qəmbərov:

Ağır vurmalıyıq vuranda pəli,

Qərb nə qədər versə, yeyib sökməli,

Əlbəttə, vaxtında tədbir tökməli,

Yıxılmamış vaxtın nəhs ulağından.

Əli Kərimov:

Bizim mitinqimiz saf qızıl əyar,

Onun gedişində min müəmma var,

Pul verən boss bizi dara qısnayar,

Yaxa qurtarmalı Qərb talağından.

İsa Qəmbərov:

Mitinqlərdən sonra yerimiz dardı,

İflasa uğrasaq, qəbrimiz dardı,

Bossun da, bizim də səbrimiz dardı,

Bitki ayrılmalı öz alağından.

Əli Kərimov:

Qərb də üz döndərər səhv addım atsaq,

Küçədə, meydanda qıvrılıb yatsaq,

Qrant alıb gedib biz başı qatsaq,

Pulu qaytararlar gözün ağından.

İsa Qəmbərov:

Növbəti mitinqdən problem qoxur,

Yəqin açılacaq meydanda paxır,

Elə hamıya də xoş gəlir uğur,

Çoxumuz dəmləndik qrant buğundan.

Əli Kərimov:

Gələcək mitinqə müsbətdi sözüm,

Kütlə də axışar göstərsək dözüm,

Nəşə dolduraram müştüyə özüm,

Qrant sallanacaq İsa bığından.

İsa Qəmbərov:

Biz gərək olmayaq bossdan gileyli,

Bizdədi onların birinci meyli,

Kənardan baxanda kiçilir xeyli,

Çox azman görünür yürüş yaxından.

Əli Kərimov:

Bosslar pul verəcək almasaq xətər,

Bir piketi belə verməyək hədər,

Gözə girməliyik biz mümkün qədər,

Kənarda qalmayaq gərək axından.

MİRZƏ QƏRƏNFİL