“ACP” və AMİP sədrləri “İctimai Palata”nı real güc saymırlar

Vaqif Mahmudov:

Onları fırladır Qərbdəki məlik,

"İP"-də liderlərin səbəti dəlik,

Salıb İsa, Əli ikitirəlik,

Yaxşı bir lider yox Rəsuldan başqa.

Yusif Bağırzadə:

Nitq irad etməmiş çənəni yoxla,

Ciddi təşkilat tək AMİP-i qoxla,

Əlini, İsanı "İP"-də də saxla,

Sənin Rəsul bəyin əsil hinduşka.

Vaqif Mahmudov:

Xoş ulduz üstündə Rəsulun bürcü,

İsa bəylə Əli önündə cücü,

Nəzərə alınmır Rəsulun gücü,

Lider postlarına doluşub çuşka.

Yusif Bağırzadə:

Əli İsa ilə qeybətli lider,

Rəsul da qəzəbli, hiddətli lider,

Etibar o qədər qüdrətli lider,

Onun məclisində çatışmır çoşka.

Vaqif Mahmudov:

Sədrsən, Etibar dartır qıçından,

Tuturlar xaricin dollar xaçından,

Günorta dururlar "İP"-də acından,

Rəsulun pulunu aparmaz taçka.

Yusif Bağırzadə:

Ona güc gələmməz "İP"-də bir ceyil,

Kommersiyaya o, salıbdı meyil,

Etibar o qədər kasıb da deyil,

Londonun özündə açıbdı toçka.

Vaqif Mahmudov:

Son vaxtlar verməkdə "İP" cəngə yeri,

Pis lider verməli qəşəngə yeri,

Etibarın özü düşəndə yeri,

Rəsul süfrəsinə uzatsın loşka.

Yusif Bağırzadə:

Bu gün savaşırlar "İP"-də liderlər,

Vahid namizədə doğru gedirlər,

İsa ilə Əli dava edirlər,

Biri mışqa olub, o biri koşka.

Vaqif Mahmudov:

Nyu-Yorkda başlayar öz naharına,

Qədəm qoyub ömrün xoş baharına,

Verir cib xərcliyi həmkarlarına,

Rəsulda saat tək işləyir başka.

Yusif Bağırzadə:

İsayla Əliyə dostlar qurub pəl,

Hələ qoymamaqda heç biri məhəl,

Liderlər tərpənir o qədər əfəl,

Uçub başlarına "İP"-də krışka.

Vaqif Mahmudov:

Verərək kürsüdə söz liderinə,

Qurumlar qovuşsun öz liderinə,

Dostlaşıb gəlsinlər "İP"-in yerinə,

Etibarla Rəsul vursun kruşka.

Yusif Bağırzadə:

"İP"-in təzyiqinə israrla dözün,

Olsun liderinin üstündə gözün,

Bu hissi Rəsula aşıla özün,

Etibar həmişə sadiqdi aşka.

Vaqif Mahmudov:

Xalqına xidməti nəsil sənəti,

"İP"-in nəsibidi rəzil sənəti,

Olsa da ticarət əsil sənəti,

Rəsul asanlıqla oynadır ruçka.

Yusif Bağırzadə:

Siz ölçün əməlli geci-tezi də,

Gözaltı eyləyin, sözsüz, bizi də,

Etibara dəstək hətta Məzi də,

AMİP-ə meyilli o cəyil Roşka.

Vaqif Mahmudov:

Sabah açılmazdır "Yurd", Müsavatla,

"İP"in də sonluğu bitəcək matla,

Gedin gələcəyə siz kəhər atla,

Bizə töhfə verər bir səkil qaşqa.

Yusif Bağırzadə:

Bizim olmalıdı həm kürsü, masa,

Əlinin siyasi ömrü çox qısa,

Onunçün iflasa uğradı İsa,

Əyri qoyulubdu başa furaşka.

Vaqif Mahmudov:

"İP"-ə daxil olub, içmişdilər and,

Əli ilə İsa gəldi variant,

Örtdü gözlərini xarici qrant,

Kütlənin özünə gəldilər paçka.

Yusif Bağırzadə:

"İP"-də pis qoyulub əvvəldən təməl,

Əli İsa ilə edib yüz əməl,

Etibar Londona uçmazdan əvvəl,

Su üçün götürdü bircə flyajka.

Vaqif Mahmudov:

Siyasi səhnədə bilir min üsul,

Artacaq hər üzvün ciblərində pul,

Çarterlə məhləyə gələrsə Rəsul,

"İP"-də qalmayacaq bircə duraşka.

Yusif Bağırzadə:

İsa da, Əli də "İP"-i edər tərk,

Uçuruma doğru sürüşərlər bərk,

Etibar önündə səcdə gedərək,

London qrant verər, Rusiya mişka.

Vaqif Mahmudov:

Meydan siyasəti hər əməlində,

Rəsul töhfəsi var, bil, təməlində,

Möcüzə törədər Rəsul əlində,

Kompüterdə olan o qara mışka.

Yusif Bağırzadə:

Lider qoşulmayıb heç vaxt axına,

Rast gəlib həmişə "İP" tək loxuna,

Rəsul ərinməyib gəlsə yaxına,

Olar Etibarda pul kuçka-kuçka.

Mirzə QƏRƏNFİL