Lalə Hacıyeva “İP”-i şəxsi    maraqlar güdən iflasa məhkum birlik forması adlandırıb

Lalə Hacıyeva:

Burda bilən yoxdu heç öz yerini,

İsa da, Əli də töküb kirini,

"İP" öz bəylərini, liderlərini,

Aparır iflasın uçurumuna.

Tofiq Yaqublu:

Bizə bəd deyəni tutub döyürlər,

Sizi çaşdırmışlar keçmiş dövrlər,

Maliyyəçi bosslar "İP"-i sevirlər,

Şübhən də olmasın heç tutumuna.

Lalə Hacıyeva:

Lider yalan-doğru əsil olunur,

Yanınıza düşən kor-şil olunur,

Bilirik "İP"-də kim təmsil olunur,

Bələdik dabbaqda, bişəkk, tumuna.

Tofiq Yaqublu:

Qərb verib quruma oktan gücünü,

Dəf etmək çətindi fantan gücünü,

Bilməzsən sən "İP"-də kotan gücünü,

Çünki düşməmisən heç şırımına.

Lalə Hacıyeva:

Mən sizdə görmürəm xilas qoxusu,

Sizi çaşdırmaqda gilas qoxusu,

Gəlir "İP"-inizdən iflas qoxusu,

Əlbəttə, bələdəm hər qırımına.

Tofiq Yaqublu:

Bir şirinlik gəlir qovurmasına,

Söz də ola bilməz Qərb kormasına,

Bütün qurumları həm yormasına,

Həm də diqqət elə öz yorumuna.

Lalə Hacıyeva:

"MBH" gözümdə dönüb tuz olur,

Liderin cürətsiz və xırsız olur,

Hər uğursuz addım uğursuz olur,

Dözün əsəblərin hər tarımına.

Tofiq Yaqublu:

Bizdəki kefləri görsəydin əgər,

Nəşini buraya sərsəydin əgər,

Bizim "İP"-ə gəlib girsəydin əgər,

Baxardın boss verən payın tamına.

Lalə Hacıyeva:

Gəlmisiniz "İP"-ə kef-damaq üçün,

Həsrətsiz bosslar tək arxa, dağ üçün,

Özünüzü yerə tullamaq üçün,

Çıxın bircə-bircə "İP"-in damına.

Tofiq Yaqublu:

Daim göstərmisən sönük, lal mövqe,

Orda qiymətdədi əhli-hal mövqe,

Qərbə lazım deyil liberal mövqe,

Hansı boss qızınar sənin şamına?

Lalə Hacıyeva:

Liberal duayla şən sındıraram,

Bircə həmlə ilə tən sındıraram,

"Qadir liderini" mən sındıraram,

Sən özün qiymət ver avam, xamına.

Tofiq Yaqublu:

Qaldırıb üstünə cəmi aləmi,

Sənə sirdaş edib kədəri-qəmi,

Dərhal dəf edərik hər bir həmləni,

Sərt cavab verərik hər hücumuna.

Lalə Hacıyeva:

Sizlərdə güclüdü, bil, xəyal dünya,

Təəccüb etməkdə sizə lal dünya,

Geri çəkilməyən liberal dünya,

Zəhər də qatardı şirin camına.

Tofiq Yaqublu:

Çox müvəqqətidi orda şahlığın,

Təqdir edilməzdi qul "allahlığın",

Adi "MBH"-di o bataqlığın,

Get gir ən yüksəkdə duran qumuna.

Lalə Hacıyeva:

Eşşək ol, qatır ol, yabı at olma,

Önündə görəndə məni, pat olma,

Mənimçün bu qədər narahat olma,

Çəkil qurumunda məşum qınına.

Tofiq Yaqublu:

Görərsən, o adi "VİP" dirçələcək,

İsa, Əli kimi tip dirçələcək,

Dan sökülən zaman "İP" dirçələcək,

Cüzi vaxt qalıbdı xoruz banına.

Lalə Hacıyeva:

O "İP"-dən uzaqlaş, başqa yerə it,

Qrant gözləməyi bosslardan tərgit,

Sən özün orada yerini bərkit,

Bir addım atmaram sənin yanına.

Tofiq Yaqublu:

"İP" kimi qurumu gör, tut içində,

Qrant almağı boğ, unut içində,

Sənin radikalın sükut içində,

Baxmaq istəyərdim şöhrət-şanına.

Lalə Hacıyeva:

Arzudan özünə gəl taxma qanad,

Yanlış xülyaları boş qafandan at,

Düşər uçuruma həm "İP", Müsavat,

Baxmaq istəyərdim son məqamına.

Tofiq Yaqublu:

Dərya keçmək üçün avarı çıxar,

Qalıb "MBH"-də baharı çıxar,

Qadınsan, əynindən şalvarı çıxar,

Bürün əvvəl-axır sadə donuna.

Lalə Hacıyeva:

Bir dişi aslanam, unutma məni,

Özün tək zəifə tay tutma məni,

Yaşlı cərgəsinə sən qatma məni,

Dəyərəm sənin tək tipin onuna.

Tofiq Yaqublu:

Sükuta dalmısan öz qəfəsində,

Yoxdu bir lider də sən yaş, sən sində,

Sən artıq nəhs qürub ərəfəsində,

Çox əzab-əziyyət vermə canına.

Mirzə QƏRƏNFİL