“İP” “Eurovision” yarışmasının    keçirilməsinə mane olacağını deyirGülağa Aslanlı:

Bizi dəstəkləyir Löninq tək dostlar,

Küçə-meydanlarda çoxalar koslar,

Evə dönməsələr bizim məhbuslar,

"Eurovision" tutmayacaq baş.

Razi Nurullayev:

Yarışma keçməsin deyir hər bir ser,

Sarkisyan Serj özü, həm Petrosyan Ter,

Əli vəcdə gəlib, həm boss Ştrasser,

Löninq quyusuna atacaqdı daş.

Gülağa Aslanlı:

Ser Ştrasser özü edibdi əmin,

Biz mitinq keçirək gərək minə min,

Hökumət tələbi edərsə təmin,

Qrant da çox gələr, həm artar daş-baş.

Razi Nurullayev:

Löninqlər ağadı, biz sadiq nökər,

Onlar qabımıza dadlı yal tökər,

Şərtimizi qəbul etdirsək əgər,

Yeyərik bolluca plov ilə aş.

Gülağa Aslanlı:

Löninqə deməkçün bizləri bəzə,

Gərək fənd işlədək möhtəşəm, təzə,

20-ci sahədən gəlsək mərkəzə,

Bizim təpəmizdən aşacaq şabaş.

Razi Nurullayev:

Qərb deyir törədin qətllər, qarət,

Yürüş keçirməyə etmirik cürət,

Tələb edirlər ki, götürək sürət,

Deyirlər addımı atırıq yavaş.

Gülağa Aslanlı:

Ştrasser üzünü çevirib sonda,

Dedi görür bizi narıncı donda,

Bu gərgin məqamda - "Eurovision"da

Biz sürət götürüb edərik savaş.

Razi Nurullayev:

Löninq səxavəti gəlməsin gözə,

Bovar pivəsiylə çoxlu mey-məzə,

Berlində qamburger yedirər bizə,

Alman ləvəngisi, üstündə lavaş.

Gülağa Aslanlı:

Nə desən edərik, eyləmərik naz,

Əyləci buraxıb, verməliyik qaz,

Əli nə istədi, olmadı atkaz,

İsaya verdilər nemeski plaş.

Razi Nurullayev:

Zərər yox, taleyim qoy acı olsun,

İstərlər xasiyyət zarıncı olsun,

Şərt qoyduq çaları narıncı olsun,

Bizə vəd etdilər atlaz, bez, qumaş.

Gülağa Aslanlı:

Yoğurub-yaparaq alman xəmrini,

Sınaqdan keçirib hər bir təmrini,

Mən icra edərdim Löninq əmrini,

Çoxlu pul verəydi Ştrasser də kaş.

Razi Nurullayev:

Mitinq keçirməyə etmərəm inad,

Löninqin əlindən alsaydım qrant,

Vallah, axtararam uçmağa qanad,

Leysan tək axardı gözlərimdən yaş.

Gülağa Aslanlı:

A boss, cır çıxmaqda, deyəsən, səsin,

Təkrar etməliyik yürüş kəlməsin,

"Eurovision" gərək keçirilməsin,

Qərbli ağalar tək çevirərək xaç.

Razi Nurullayev:

Elə bil, bir zirvə, ya dik istədim,

Baxdım gözlərinə, dim-dik istərik,

İsadan cüzi bir xərclik istədim,

Dedi ağıllı ol, mənə az suvaş.

Gülağa Aslanlı:

Başqana baxanda "Yurd" Əli dubdu,

Bağır-öfkəsini İsa udubdu,

Sıramızda möhkəm qərar tutubdu,

Qırğız, qazax, özbək, latış, rus, çuvaş.

Razi Nurullayev:

Pulumu almışam hər hürüş üçün,

Əli sino gedir bir görüş üçün,

Boss pul buraxanda bu yürüş üçün,

Viskinin üstündən nə yeyərdim xaş.

Gülağa Aslanlı:

Tapa bilsək burda yaxşı yer əgər,

Bir az da atırsa dram Ter əgər,

Yaxşı pul buraxsa Ştrasser əgər,

Yürüşə başlarıq qaralanda qaş.

Razi Nurullayev:

Küçəyə, meydana gedər son ərzaq,

Kütləyə lazımdı neçə ton ərzaq,

Löninq göndərərsə, çoxlu un, ərzaq,

Kəsərik əriştə, ovarıq umac.

Gülağa Aslanlı:

Əmr icra olunar burada nəhayət,

İdarə olunar diqtəylə həyat,

Bizə qaşqaldaq da edər kifayət,

Löninq və Ştrasser yeyərlər turac.

Razi Nurullayev:

Nüfuz qazanarıq haray salaraq,

Xeyli dincələrik fikrə dalaraq,

Xaricə gedərik qrant alaraq,

Bu idi başlıca niyyət və amac.

Gülağa Aslanlı:

Mitinq-yürüşlərdən mətin keçərik,

Bossun zəmisində qrant biçərik,

Təbiət qoynunda yeyib-içərik,

Bizim məkanımız olar yal, yamac.

Razi Nurullayev:

Çətin anda bizə dayaq oldular,

Bizimçün münasib məbləğ buldular,

Bosslar cibimizə qrant doldurar,

Halədən qoyarıq başımıza tac.

MİRZƏ QƏRƏNFİL