"Beynəlxalq Türk dili, Türk dünyası ədəbiyyatları və şeir gecəsi" simpoziumu

Türkiyənin İzmir şəhəri universitetində, "Kipr-Balkanlar-Avropa-Ədəbiyyatı" qurumunun (KIBATEK) təşkilatçılığı ilə keçiriləcək 27-ci "Beynəlxalq Türk dili, Türk dünyası ədəbiyyatları və şeir gecəsi" simpoziumunda Azərbaycan ədəbiyyatı da müzakirə ediləcək. Tədbirdən əvvəl Azərbaycanın "VEKTOR" Beynəlxalq Elm Mərkəzinin prezidenti professor Elçin İsgəndərzadə türk dünyası ölkələrinə göstərdiyi dəstəyə və yardımlara görə İzmir Universitetinin qurucularından biri və "Doğanata Təhsil və Mədəniyyət" Vəqfinin Prezidenti Necdət Doğanataya fəxri doktor adının vəsiqəsini təqdim edəcək. Simpoziumda İzmir Universitetinin rektoru, professor Kayhan Erciyeş və professor Elçin İsgəndərzadə çıxış edəcəklər. Bundan başqa, tədbir çərçivəsində İzmir Universitetində Uğur Türkanın "Novruz" adlı sərgisi, Fadıl Ünalın "Türk Dünyası Xidmətləri" adlı fotosərgisi açılacaq.