Azərbaycan həqiqətlərini əks etdirən kitablar təqdim olunub

İran İslam Respublikası Xarici İşlər Nazirliyinin Orta Asiya və Qafqaz Siyasi Beynəlxalq Araşdırmalar Mərkəzinin və Tehran Universitetinin Qafqaz Araşdırmalar İnstitutunun birgə təşkilatçılığı ilə Tehranda keçirilən "Azərbaycan Respublikası 2010: regional rol və beynəlxalq vəziyyət" mövzusunda beynəlxalq regional elmi seminarı çərçivəsində Azərbaycan həqiqətlərini əks etdirən kitablar təqdim olunub. Ermənistan-Azərbaycan, Dağlıq Qarabağ münaqişəsinin tarixini və müasir vəziyyətini əks etdirən Azərbaycan, ingilis və fars dillərində çap olunmuş 1000 nüsxədən artıq kitab Tehran Universitetinin professor, müəllim və tələbələrinə hədiyyə edilib.