"Türkiyədə yaranan Azərbaycan ədəbiyyatı və Xəlili "Firqətnamə"si

AMEA M.Füzuli adına Əlyazmalar İnstitutunun şöbə müdiri, filologiya elmləri doktoru, professor Azadə Musabəylinin "Türkiyədə yaranan Azərbaycan ədəbiyyatı və Xəlili "Firqətnamə"si (əlyazma qaynaqları əsasında araşdırma, müqayisəli mətnin transfoneliterasiyası və İstanbul nüsxəsinin fotofaksimilesi) kitabı "Nurlan" nəşriyyatında çapdan çıxmışdır. Kitabda Türkiyədə yaranan Azərbaycan ədəbiyyatının orijinal nümunələrindən biri, Xəlilinin 1471-ci ildə tamamladığı "Firqətnamə" əsərinin tədqiqi tarixi öyrənilmiş, poemanın Sankt-Peterburq, İstanbul və Berlin nüsxələri əsasında transfoneliterasiyası verilmiş, İstanbul Millət Kitabxanasında mühafizə edilən əlyazmanın orijinal mətni elm aləminə təqdim edilmişdir.