Alim Qasımov Vatikanda konsert proqramı ilə çıxış edəcək

Aprelin 15-də Vatikanda Müqəddəs Tomas Universitetində Azərbaycanın dünya şöhrətli muğam ifaçısı Alim Qasımov konsert proqramı ilə çıxış edəcək. Tədbir bu ölkədəki səfirliyimizin Azərbaycan Mədəniyyət və Turizm Nazirliyi və Vatikanın Mədəniyyət Nazirliyinin təşkilatçılığı ilə həyata keçiriləcək. Azərbaycanın Vatikandakı səfiri Elçin Əmirbəyov sözlərinə görə, tədbir ərəfəsində Azərbaycanın mədəniyyət və turizm naziri Əbülfəs Qarayev Vatikana səfər edəcək. Səfər çərçivəsində Azərbaycan mədəniyyət və turizm nazirinin arxiyepiskop Ravasi ilə görüşəcəyi gözlənilir. Vatikanın mədəniyyət nazirinin iyunda Azərbaycana səfəri planlaşdırılıb.