Macarıstanda Azərbaycan Kinosu Həftəsi keçiriləcək

Bu il mayın 6-dan 16-dək Macarıstanın paytaxtı Budapeşt şəhərində Azərbaycan Kinosu Həftəsi keçiriləcək. Proqrama yeni filmlərimizdən "40-cı qapı", "Gün aydın, mələyim", "Hökmdarın taleyi", "Girov", "Əlvida, cənub şəhəri", "Hər şey yaxşılığa doğru", "Özgə vaxt", "Ovsunçu", eləcə də, ötən illərin filmlərindən "O olmasın, bu olsun", "Şərikli çörək", "Gün keçdi", "Nəsimi", "Dədə Qorqud" və başqa filmlər daxildir. Kinematoqrafçılardan ibarət nümayəndə heyəti, o cümlədən, aktyorlar Fuad Poladov, Ayan Mir-Qasım, Mehriban Zəki və b. macar tamaşaçıları, həmkarları ilə görüşlər keçirəcək, dost ölkənin kino sənayesi ilə tanış olacaqlar.