Mədəniyyət və Turizm İdarəsindən verilən məlumata görə, altı ölkənin, o cümlədən, Azərbaycanın ifaçıları avqustun 27-28-də "Qustar" II beynəlxalq etnik musiqi festivalında iştirak etmək üçün Moldovadakı "Starıy Orxey" mədəni-təbii qoruqda toplaşacaqlar.
Bu, Moldovada yeganə beynəlxalq etnik musiqi festivalıdır ki, açıq səma altında təşkil edilir. Festival zamanı buraya gələnlər 12 saat ərzində yerli və xarici folklor qruplarının ifasında canlı musiqidən zövq ala biləcəklər.
Festivalın qonaqları üçün hazırlanmış turist marşrutu onların qoruq haqqında hərtərəfli təsəvvür əldə etmələrinə, yaxınlıqdakı görməli yerlər barədə məlumat almalarına imkan verəcəkdir. Festivalın təşkilatçılarının fikrincə, "Qustar" xalqlar arasında maneələri aradan qaldırır, mədəni rəngarəngliyi artırır. Festivalın adı avqustun qədim adından götürülmüşdür. Xalq arasında avqusta "Qustar" deyilirdi. Çünki məhz bu ayda qızğın tərəvəz, giləmeyvə və meyvə yığımı gedir.
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
