Rüstəm İbrahimbəyova xüsusi mükafat təqdim olunacaq

Xalq yazıçısı, dünya şöhrətli kinodramaturq, "Oskar" mükafatının laureatı Rüstəm İbrahimbəyov Türkiyənin Antalya şəhərində keçirilən 48-ci "Altın Portağal" Beynəlxalq Kino Festivalına dəvət olunub. Festivalda fəxri qonaq kimi iştirak edəcək məşhur rejissora xüsusi mükafat təqdim olunacaq. Qeyd edək ki, Türkiyə mətbuatında Rüstəm İbrahimbəyovun həyat və yaradıcılığı barədə ətraflı məlumat verilib, onun türk dünyasının "Oskar" mükafatı alan yeganə rejissoru olduğu xüsusi vurğulanıb.

1999-cu ildə İbrahimbəyovun Sergey Bodrovla birgə ssenarisini yazdığı fransız direktivi Regis Vargnier olan "Şərq-Qərb" filmi "Oskar" mükafatına layiq görülüb.

Qeyd edək ki, Rüstəm İbrahimbəyov həm Azərbaycanda, həm keçmiş postsovet məkanında, həm də bütün dünyada peşəkar ssenarist, dramaturq və rejissor kimi tanınır. Onun əsərləri əsasında 40-dan çox bədii film, televiziya filmləri və tamaşaları çəkilmişdir. "Urqa - məhəbbət dairəsi" əsəri Nikita Mixalkov tərəfindən ekranlaşdırılmış, ABŞ-da "Cənnətə bağlı" adıyla tanınmışdı. Film Venesiya Film Festivalının Qızıl Şir Mükafatına, Avropanın ən yaxşı filmi kimi Berlində "Feliks Mükafatı"na layiq görülmüşdü. Bu film hətta ən yaxşı xarici dildə tərcüməyə görə, 1992-ci ildə "Amerika Film"də Akademiya Mükafatına layiq görülmüşdü. Ssenari müəllifi olduğu "Günəşdən usanmışlar" filminə görə "Ən yaxşı xarici dilli film" kimi Akademiya Mükafatı, Jurinin Böyük Prizi təqdim olunmuşdu. Daha bir filmin ssenari müəllifi olduğu "Sibir bərbəri" 1998-ci ildə Avropanın ən böyük büdcəli filmi sayılmışdı.

Onu da qeyd edək ki, Rüstəm İbrahimbəyov həm də 10-dan artıq teatr tamaşasının ssenari müəllifidir. Dramaturqun ssenarisi əsasında çəkilmiş "Səhranın bəyaz günəşi" filmi ən populyar filmidir.

Rüstəm İbrahimbəyov, həmçinin, dünyanın 100 teatrında səhnələşdirilən 15 pyesin müəllifidir: "Bağlı qapı arxasında qadın", "Kaliforniyada dəfn", "Qumda ev" , "Şirə oxşayan" və s.

Rüstəm İbrahimbəyov hazırda Filmmeykerlər İttifaqı Konfederasiyasının sədri, Rusiya Filmmeykerlər İttifaqının katibi, Avropa Film Akademiyasının və Kinofilm Yaradıcılığı Akademiyası və Elmi təşkilatının üzvüdür.