Bakı Musiqi Akademiyasının 90 illik yubiley tədbirləri davam etdirilir

Dekabrın 15-də Üzeyir Hacıbəyli adına Bakı Musiqi Akademiyasının böyük salonunda BMA-nın ötən il 30 illik yubileyini silsilə tədbirlərlə - müsabiqə, konsert, tamaşa və konfranslarla qeyd etmiş eksperimental elmi-metodik laboratoriyasının - orta ixtisas musiqi məktəb-studiyanın şagirdlərinin konserti olacaqdır.

BMA-nın 90 illik yubileyinə həsr olunmuş konsertində 2-10-cu siniflərin şagirdləri, beynəlxalq və respublika müsabiqələrinin laureatları və diplomantları, o cümlədən, bu yaxınlarda Bolqarıstanda və Azərbaycanda keçirilmiş beynəlxalq müsabiqələrin birinci mükafatlarının laureatları Murad Abbasov, Vüsalə Babayeva (fortepiano) və Ənvər Kərimov (truba) çıxış edəcəklər.

Respublikanın əməkdar pedaqoqları, BMA-nın məktəb-studiyada çalışan dosent və professorları tərəfindən hazırlanmış konsertin proqramına Azərbaycan, Türkiyə, Qərbi Avropa və Rusiya bəstəkarlarının orqan, fortepiano, simli və nəfəs alətləri üçün yazdıqları əsərlər daxil edilmişdir.