“TÜRKSOY” jurnalının xüsusi  buraxılışı işıq üzü görüb

"TÜRKSOY" jurnalının Azərbaycanın dövlət müstəqilliyinin 20-ci ildönümünə həsr olunmuş xüsusi buraxılışı işıq üzü görmüşdür.

Jurnalın açılış səhifələrində Azərbaycan Prezidenti İlham Əliyevin müstəqilliyimizin 20-ci ildönümünə həsr olunmuş təntənəli mərasimdə nitqi və Türkiyə prezidenti Abdullah Gülün "Müstəqilliklərinin 20-ci ildönümündə türk cümhuriyyətləri" mövzusunda konfransda çıxışının mətnləri yer almışdır.

Bundan başqa, jurnalda Azərbaycanın mədəniyyət və turizm naziri Əbülfəs Qarayevin "Müstəqilliyinin 20-ci ilində Azərbaycan mədəniyyəti" məqaləsi, ölkəmizin Türkiyədəki səfiri Faiq Bağırovun müsahibəsi, I Bakı Beynəlxalq Kukla Teatrları Festivalı, görkəmli dramaturq Mirzə Fətəli Axundzadə, Bakı Musiqi Akademiyasının 90 illiyi haqqında yazıları yer almışdır.

Jurnala Azərbaycan Prezidenti İlham Əliyevin nitqi və fotoşəkilləri təqdim olunmuşdur.