"Məhkəmənin ədalətli və ədalətsiz qərar qəbul etməsinin əhəmiyyəti yoxdur" - QÜDRƏT HƏSƏNQULİYEV

“Vətəndaşlarımız üçün məhkəmənin ədalətli və ədalətsiz qərar qəbul etməsinin heç bir əhəmiyyəti yoxdur”. SİA xəbər verir ki, bu sözləri Milli Məclisin bu gün keçirilən plenar iclasında deputat Qüdrət Həsənquliyev deyib.Onun sözlərinə görə, büdcədən vəsait ayrılmalıdır ki, qəbul olunmuş məhkəmə qərarları icra olunsun: “Bu, ölkənin iqtisadi inkişafı və ölkəyə investisiya qoyuluşu deməkdir.SSRİ ona görə dağıldı ki, dövlət mülkiyyəti özünü doğrultmadı. Biz böyük özəlləşdirməyə getmədik. Bu yolla büdcə gəlirlərini artıra bilərik. Böyük islahatlara gedilməsə, nəticə bizim arzuladığımız səviyyədə olmayacaq”.

Ayşən Vəli