Niderland Krallığındakı Azərbaycan icmasının üzvləri Haaqadakı Türkiyə səfirliyində səfir Səlçuk Unalla görüşərək, Türkiyə dövlətinə, eləcə də qardaş ölkədə baş vermiş dağıdıcı zəlzələdə həlak olanların ailələrinə və yaxınlarına başsağlığı verib və yaralananların tezliklə sağalmasını diləyiblər. SİA xəbər verir ki, Niderland Krallığındakı Azərbaycan icmasının üzvləri Türkiyənin Haaqadakı səfirliyinin önündə 1979-cu ildə ASALA erməni terror təşkilatı tərəfindən qətlə yetirilmiş şəhid Əhməd Benlerin xatirə abidəsi önünə gül dəstələri və şamlar qoyaraq, dağıdıcı zəlzələdə həlak olanların xatirəsini hörmətlə yad ediblər. Azərbaycanlıların həmişə qardaş türk xalqının yanında olduğunu bildiriblər.Səfir Selçuk Unal qardaş ölkə Azərbaycanın dəstəyini daima hiss etdiklərini qeyd edib, icma üzvlərinə təşəkkür edib.
sia.az
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
