Azərbaycanın xilaskarı – Ulu Öndər Heydər Əliyev ŞƏRH

Azərbaycan 1991-ci ildə müstəqillik əldə etsə də, problemlərlə qarşı-qarşıya idi. Ciddi sosial, iqtisadi problemlər cərəyan edirdi. Azərbaycanın əldə etdiyi müstəqilliyi itirmək təhlükəsi var idi. Sənətdə müstəqillik, idarə etmədə Moskvadan asılılıq... Azərbaycan müstəqilliyini elan etsə də İmperiya öz əlini Azərbaycandan çəkmək istəmirdi, digər tərəfdən bu vəziyyətdən istifadə edib hakimiyyətə gəlmək istəyən qüvvələrin vuruşması... Nəticədə uduzan xalq olur, Azərbaycan olur. Daxildə yaranan vəziyyətdən istifadə edərək düşmənlərimiz tərəfindən torpaqlarımız işğal olunur. Təbii ki, Azərbaycanı belə bir vəziyyətdən yalnız idarəcilyi bilən bir lider çıxarda bilərdi. Belə bir vaxtda xalqımız, azərbaycan ziyalıları 1993-cü ildə Azərbaycan dövlətini xilas etmək üçün Ümummilli Lider Heydər Əliyevə müraciət etdi. Ulu öndər xalqın müraciətinə səs verdi. Ulu öndər bilirdi ki, milli idealogiya olmasa Azərbaycan da olmayacaq. O, 1969-cu ildə birinci hakimiyyət dövründə başladığı və apardığı kommunist idealogiyası ilə paralel azərbaycançılıq idealogiyasını da həyata keçiridi. Ulu öndərin ikinci hakimiyyət dövründə həmin azərbaycançılıq idealogiyasını gündəmə gətirdi. Bunula, Ümummilli Lider Heydər Əliyev Azərbaycan dövlətçiliyini xilas etdi.Beləliklə, 1993-cü il iyunun 9-da Ümummilli Lider Heydər Əliyevin Naxçıvandan Bakıya gəlişi, və iyunun 15-də isə Ümummilli Lider Heydər Əliyevin Azərbaycan Respublikası Ali Sovetinin Sədri seçilməsi Azərbaycanın taleyində çühüm hadisə oldu. Nəticə etibarilə, Ümummilli Lider Heydər Əliyev Azərbaycanı vətəndaş müharibəsindən xilas etdi. Bəli, 1993-cü ilin 15 iyun tarixində Heydər Əliyev Azərbaycan Respublikası Ali Sovetinin sədri seçildi. O, sədr seçildiyi ilk gündən idarəçilikdə şəffavlıq prinsipinə nail oldu. Milli Məclisin iclasları, mətbuat konfransları və digər tədbir və iclaslar birbaşa yayımlanmağa başlanıldı. Ölkədəki vəziyyət olduğu kimi xalqa çatdırıldı. 1993-cü il 24 iyunda keçirtdiyi iclasında Milli Məclis Prezident səlahiyyətlərinin Ali Sovetin sədri Heydər Əliyevə verilməsi barədə qərar qəbul etdi. Bu da bütün hadisələrin dövlətin nəzarəti altına götürülməsi demək idi. Heydər Əliyev öz fəaliyyətini ilkin olaraq ölkədə islahatların aparılması ilə başladı. Ölkənin bütün sahələrində: elm, təhsil, səhiyyə, mədəniyyət, iqtisadi və siyasi sahələrdə böyük islahatlara başlandı. Ümummilli Liderin 1993-cü il iyunun 15-dən oktyabrın 3-dək Ali Sovetə rəhbərlik etdiyi dövrlərdə ordu quruculuğu sahəsində mühüm qərarlar, “Şəhid adının əbədiləşdirilməsi və şəhid ailəsinə edilən güzəştlər haqqında” Azərbaycan Respublikasının Qanunu qəbul olundu. Ordu quruculuğu sahəsində daha böyük islahatlara başlandı. Məhz bu günkü qələbəmiz həmin islahatların nəticəsidir. Ulu öndərin apardığı islahatlar uğurla həyata keçirilirdi, çünki ədalətlilik prinsipinə əsaslanırdı. Dövlət quruculuq işinə xüsusi diqqət yetirirdi.10 il prezidentlik dövründə Ümummilli Lider Heydər Əliyev xalqına misilsiz xidmətlər göstərdi. Ölkəmizdə ictimai-siyasi vəziyyət düzəldi. Ulu öndərimiz hər zaman söyləyirdi ki, iqtisadiyyatı güclü olan dövlət hər şeyə qadirdir. Bu da onun uzaqgörən siyasətin nəticəsi idi.2003-cü ildə xalqına müraciət edərək cənab prezident İlham Əliyev haqqında belə demişdir: “Mən ona özüm qədər inanıram və gələcəyinə böyük ümüdlər bəsləyirəm.”Budur, 44-günlük müharibənin nəticəsi ilə, Zəfəri ilə cənab prezident İlham Əliyev ata vəsiyyətini yerinə yetirdi və xalqının etimadını doğrutdu.Ümummilli Lider Heydər Əliyevin haqqında fəxrlə onu deyə bilərəm ki, bəşər tarixində nadir rast gəlinən haldır ki, siyasi liderlik keyfiyyətlərini bir dövlət adamı özündə birləşdirsin. Heydər Əliyevin 1993-cü il 24 iyunda Prezident səlahiyyətlərinin icra etməyə başlaması belə ayrıca böyük bir tarixdir.İndi Azərbaycan dünyada güclü və nüfuzlu dövlət kimi tanılır. Ölkəmizin inkişafında uzaqgörənliklə reallaşdırılan daxili və xarici siyasət kursu dayanır.Biz bu qələbəyə görə müzəffər ali baş komandanımıza, şəhidlərimizə, əsgərlərimizə, zabitlərimizə, qazilərimizə ömrümüzün sonuna qədər borcluyuq. Biz qalib ölkənin qalib vətəndaşıyıq. Bizim üç rəngli bayrağımız Şuşamızda dalğalanır Ümummilli Lider bilirdi ki, o, İlham Əliyevə arxalanaraq bu günün gələcəyini görürdü və cənab prezident bu günü bizə qismət elədi.Azərbaycan prezidenti cənab İlham Əliyev Milli Məclisdə çıxışından: ”Mənim üçün Milli Məclis çox əziz və doğma bir yerdir, mənim doğma evimdir....Biz bir məqsədə qulluq edirik. Amalımız da, məramımız da birdir – ölkəmizi möhkəmləndirmək, gücləndirmək, Azərbaycan xalqının rifah halını yaxşılaşdırmaq, güclü, zəngin dövlət yaratmaqdır”. Azərbaycan xalqı hər zaman azadlığı, müstəqilliyi uğrunda bütün çətinliklərə mərdliklə sinə gəlib. Bu dəfə də gəldi. Bu gün də Heydər Əliyev siyasi məktəbinin yetirməsi, prezident İlham Əliyevin rəhbərliyi ilə öz şanlı tarixini yazmaqdadır.

Şəhla Xəlilova

YAP Yasamal rayon təşkilatı Fizika İnstitutu üzrə

ərazi partiya təşkilatının sədri