Şəhid Zöhrab Azad oğlu Kərimovun doğum günü qeyd olunub FOTOLAR

Avqust ayının 14-də Biləsuvar şəhərində şəhid Kərimov Zöhrab Azad oğlunun anadan olmasının 20-ci il dönümü münasibətilə ailəsi ziyarət edilib. Mərasimdə YAP Biləsuvar rayon təşkilatının sədr müavini Aqşin Qasımov, şəhid valideyinləri, partiya fəalları və ictimaiyyət nümayəndələri iştirak ediblər. Qeyd edək ki, şəhid Kərimov Zöhrab Azad oğlu 2022-ci ilin 12 – 13 sentyabr tarixlərində Ermənistan silahlı qüvvələrinin törətdikləri genişmiqyaslı təxribatın qarşısı alınarkən qəhrəmancasına şəhid olmuşdur.

Ziyarətçilər Şəhidimizin keçdiyi döyüş yolundan, göstərdiyi xidmətindən və şücaətindən bəhs edərək baş sağlığı diləklərini çatdırıblar. Daha sonra şəhər qəbirstanlığında şəhidin məzarı ziyarət olunub, ruhuna dualar oxunub.

Qeyd edək ki, Azərbaycan Respublikası Prezidentinin müvafiq sərəncamlarına əsasən Şəhid Kərimov Zöhrab Azad oğlu ölümündən sonra 3-cü dərəcəli “Vətənə xidmətə görə” ordeni və “Vətən uğrunda” medalı ilə təltif edilib.

Allah rəhmət eləsin!