Ermənistandan yeni “sülh” təklifi - RAKURS

Paşinyan kimi aldadır?

Ermənistan manipulyasiya metodundan əl çəkmir. Hadisələrə reaksiyası reallığa söykənmir, daha çox destruktiv xarakter daşıyır. Müharibədə məğlub olsa da hikkəsi onu məsələlərə real qiymət verməyə qoymur. Odur ki, müharibənin başa çatmasından üç ilə yazın bir müddət keçməsinə baxmayaraq hələ də sülh masasına yaxın gəlməyi düşünmür. Ermənistan cəmiyyətinin də iki düşmən tərəfin nəhayət barışmasına reaksiyası da birmənalı deyil. Müharibədən dərhal sonra keçirilən seçkilərdə ölkənin məğlub duruma düşməsinin baiskarı, daha doğrusu hakimiyyətdə olduğu zaman Azərbaycanla apardığı müharibədə Ermənistanı məğlub duruma salan Paşinyanın komandasının qalib gəlməsi elə cəmiyyətin verdiyi əsl reaksiya idi. Ermənilər elə öz terrorçularından qorxduqları üçün hər şeyi çılpaqlığı ilə deyə bilmirdilər. Seçkilər, sandıq başı isə onların deyə biləcəyi ən doğru sözün ünvanıdır.

Paşinyan regionda nələrin baş verdiyini duyan və adekvat reaksiya verən nadir-nüsxə ermənilərdəndir. O, bilir ki, əvvəlki ritorika bütövlükdə Ermənistanı məhvə aparar, ona görə də ehtiyatlı tərpənir. Sülh müqaviləsi ilə əlaqədar müzakirələri “acı bağırsaq kimi”uzatmasının səbəbi də qorxu ilə bağlıdır. Nikol ermənilərin onu linç edəcəklərindən qorxur. Hələlik, məğlubiyyətin cavabdehlik yükünü sələfləri arasında paylaşdırmaqla məşğuldur.

Ermənistanın baş naziri Nikol Paşinyan bəyan edib ki, İrəvan iki ölkə arasında sülh sazişinin imzalanması üçün Azərbaycana yeni təkliflər təqdim edib. Onun sözlərinə görə, Ermənistan və Azərbaycan arasında sülh müqaviləsi ilə bağlı yeni təklif qarşı tərəfə göndərilib. Həmçinin qeyd edib ki, “Ermənistan sülh gündəminə sadiqdir”.

Avqustun 3-də Azərbaycanın Xarici İşlər Nazirliyi Ermənistanın baş naziri Nikol Paşinyanı Bakı ilə İrəvan arasında vəziyyəti gərginləşdirməkdə ittiham edib. Bununla bağlı Azərbaycan Xarici İşlər Nazirliyi bəyanat da verib. Nazirliyin bəyanatında deyilir ki, Paşinyanın çıxışı zamanı Laçın keçid məntəqəsinin işi, eləcə də Ermənistan-Azərbaycan sərhədinin ərazi bütövlüyü və delimitasiyası məsələsi ilə bağlı beynəlxalq ictimaiyyəti “səhv istiqamətə” yönəltmək cəhdləri avqustun 3-də hökumətin iclasında Ermənistanın baş nazirinin normallaşma prosesinə müsbət töhfə vermək əvəzinə vəziyyəti gərginləşdirmək niyyətini nümayiş etdirsin.

Azərbaycan Xarici İşlər Nazirliyi onu da qeyd edib ki, əgər Ermənistan tərəfi həqiqətən də sülhdə maraqlıdırsa və Azərbaycanın ərazi bütövlüyünü dəstəkləyirsə, İrəvan “bu cür təxribat xarakterli addımlardan çəkinməli və Ağdam-Xankəndi yolundan, həmçinin təklif etdiyi alternativ yollardan istifadəni dəstəkləməlidir. Bəyanatda vurğulanır ki, İrəvan da Azərbaycanın erməni əsilli sakinlərin reinteqrasiyası səylərinə mane olmamalıdır.

Bundan əvvəl Paşinyan bəyan etmişdi ki, Azərbaycan Dağlıq Qarabağa 361 tona yaxın humanitar yardımı buraxmır. Onun sözlərinə görə, “Bakı Ermənistan tərəfi ilə Qarabağ bölgəsini birləşdirən Laçın yolu ilə irəliləyişə qanunsuz mane olur”. Azərbaycan Prezidenti İlham Əliyev bəyan edib ki, Bakının Ermənistana qarşı ərazi iddiası yoxdur və İrəvandan da analoji yanaşma gözləyir. Prezident Euronews telekanalına müsahibəsində deyib ki, Bakının Ermənistana qarşı ərazi iddiası yoxdur və İrəvandan da analoji yanaşma gözləyir. O, müsahibəsində qeyd edib ki, sülh məsələsi gündəmdədir. Əliyevin sözlərinə görə, əgər Ermənistan sülh istəyirsə, buna nail olacaq: “Çünki bizim Ermənistana qarşı heç bir ərazi iddiamız yoxdur. Biz isə onların Azərbaycana qarşı ərazi iddialarının olmasını istəmirik”.

Dövlət başçısı qeyd edib ki, hazırda Rusiya sülhməramlılarının müvəqqəti nəzarətində olan ərazidə Qarabağda yaşayan insanlar Azərbaycan vətəndaşı kimi yaşayıb-yaşamamağı seçməlidirlər. İlham Əliyev yaxın aylarda Ermənistanla sülh danışıqlarının uğurla başa çatacağına ümid etdiyini də vurğulayıb. Bir gün əvvəl isə Ermənistanın baş naziri Nikol Paşinyan “Euronews” telekanalına müsahibəsində Azərbaycan Prezidenti İlham Əliyevin ərazi bütövlüyünün qarşılıqlı tanınmasının mümkünlüyünü istisna etmədiyini, lakin açıq şəkildə buna razı olmadığını bildirib.

İyulun 25-də Paşinyan mətbuat konfransı zamanı bəyan edib ki, Bakı ilə dialoq yaranarsa, ilin sonuna qədər Azərbaycanla sülh sazişi imzalana bilər. Onun sözlərinə görə, çətin ki, sazişdə Qarabağla bağlı hər iki tərəfə yaraşan bənd olacaq. Bundan əvvəl Ermənistanın baş naziri bildirib ki, İrəvan və Bakı hələlik ölkələr arasında sülh müqaviləsi layihəsi üzrə vahid razılığa gəlməyib. Onun sözlərinə görə, saziş üzərində iş davam edir. İyulun 22-də lider Paşinyan Azərbaycanla danışıqlarda Ermənistanın “qırmızı xətlərini” açıqlayıb. Ermənistan lideri qeyd edib ki, respublikanın hakimiyyət orqanları Bakı ilə danışıqlar prosesində öz suverenlikləri və Qarabağda yaşayan etnik ermənilərin təhlükəsizliyi məsələlərinə xüsusi diqqət yetirirlər.

Bundan əvvəl Ermənistan və Azərbaycan bir-birinin ərazi bütövlüyünün qarşılıqlı tanınması barədə razılığa gəliblər. Ermənistanın baş naziri Nikol Paşinyanın sözlərinə görə, bu əsasda tərəflər ikitərəfli münasibətlərin qurulmasında yaxşı irəliləyiş əldə edirlər. “Mən təsdiq etmək istəyirəm ki, Ermənistan və Azərbaycan bir-birinin ərazi bütövlüyünün qarşılıqlı tanınması ilə bağlı razılığa gəliblər və bu əsasda biz münasibətlərimizin nizamlanması istiqamətində kifayət qədər yaxşı irəlilədiyimizi deyə bilərik”, - Paşinyan bildirib.

Paşinyan həmçinin "Bakı ilə Qarabağda yaşayan ermənilər arasında normal konstruktiv dialoqun" tezliklə başlayacağına ümid etdiyini bildirib. Bundan əvvəl Ermənistanın xarici işlər naziri Ararat Mirzoyan bildirib ki, Ermənistan və Azərbaycan nümayəndələri ABŞ-da məsləhətləşmələr zamanı sülh müqaviləsinin bir neçə bəndi üzrə razılığa gəliblər.

Mayın 22-də Paşinyan mətbuat konfransında bəyan edib ki, Ermənistan hakimiyyətinin tanımağa hazır olduğu Azərbaycan ərazisinin 86,6 min kvadrat kilometrinə Qarabağ ərazisi də daxildir. 2020-ci ilin sentyabr ayının sonunda Qarabağda hərbi əməliyyatlar yenidən başladı və bu, 1988-ci ildə başlayan münaqişənin davamına çevrildi. Bir neçə dəfə atəşkəs əldə etmək cəhdlərindən sonra Rusiya, Ermənistan və Azərbaycan rəhbərləri noyabrın 10-dan müharibənin dayandırılması haqqında birgə bəyanat qəbul ediblər. Razılaşmalara uyğun olaraq Rusiya sülhməramlıları Qarabağ bölgəsinə göndərilib.

Sülh danışıqları ətrafında Ermənistanın manipulyasiyaları, siyasi oyunları, təxribatları hələ də davam etməkdədir. Fərqli platformalarda fərqli müzakirələr aparılır, Ermənistan 3 platformada aparılan müzakirələrə üç sifətlə qatılır. Məhz üçsifətlilik sülhün yaranmasına əngəl törədir. Görünür, Ermənistanla işimiz hələ çox olacaq.

V.VƏLİYEV