Xızıda gənc partiya fəalları Heydər Əliyev Mərkəzini ziyarət ediblər FOTOLAR

“Heydər Əliyev ili” ilə əlaqədar Yeni Azərbaycan Partiyasının (YAP) Mərkəzi Aparatı tərəfindən hazırlanan və İdarə Heyətinin qərarı ilə təsdiqlənən Tədbirlər Planı çərçivəsində Ulu Öndərin zəngin dövlətçilik irsinin, əbədiyaşar ideyalarının öyrənilməsi və yeni nəslə aşılanması, xalqımız və dövlətimiz qarşısında misilsiz xidmətlərinin ictimaiyyətə geniş çatdırılması məqsədilə ardıcıl tədbirlər həyata keçirilir.

2023-cü il noyabr ayının 15-də YAP Xızı rayon təşkilatı tərəfindən gənc partiya fəallarının iştirakı ilə rayon Heydər Əliyev Mərkəzinə ekskursiya təşkil olunub.Əvvəlcə Müstəqil Azərbaycan dövlətinin banisi Ulu Öndər Heydər Əliyevin abidəsi ziyarət olunub, abidənin önünə gül dəstələri düzülüb.Mərkəzdə gənclərə müstəqil Azərbaycan dövlətinin memarı, ümummilli lider Heydər Əliyevin zəngin həyat yolu və müstəsna fəaliyyəti haqqında geniş məlumat verilib, gənclər eksponat, fotoşəkil və kitablarla tanış olublar.Tədbirin sonunda partiyanın həyatında fəal iştirakı ilə seçilən bir qrup şəxs təşəkkürnamə ilə təltif olundu.