Zəfər Paradı - regionun sabitliyində Azərbaycanın rolunu vurğulayır ŞƏRH

Regionda uzun illər davam edən gərginlik və münaqişədən sonra, 2020-ci ilin dekabrında, Azərbaycanın İkinci Qarabağ müharibəsində tarixi qələbəsinə həsr olunan təntənəli Qələbə Paradına dünya ictimayyəti şahid oldu. Uzun illər tarixi torpaqlarımızın Ermənistan tərəfindən vəhşicəsinə işğalından sonra, bu hadisə regionun tarixində qanlı və ədalətsiz dövrə yekun vurmaqla yanaşı, Cənubi Qafqazın siyasi dinamikasında yeni mərhələli reallıqlar yaratdı. 2020-ci il dekabrın 10-da Azərbaycanda əzəmətli Qələbə Paradı baş tutdu və bu, təkcə ölkənin qəhrəmanlıq uğurlarının əksi deyil, həm də qlobal siyasi güc dinamikası kontekstində əlamətdar hadisəyə çevrildi. Azərbaycanda keçirilən Qələbə Paradı milli qürurumuzun təntənəsi olması ilə yanaşı, həm də dünya tarixi üçün dərin əhəmiyyət kəsb edir. Bu hadisə ölkənin hərbi uğurlarını əks etdirməklə yanaşı, qlobal dinamika kontekstində mühüm mesajlar verdi, regionda sabitliyin və təhlükəsizliyin təmin edilməsində Azərbaycanın rolunu vurğulayır.

Geosiyasi dəyişikliklər və transformasiya dövrlərində ölkənin sülhün qorunmasında fəal iştirakı dünya nizamının əsas elementinə çevrilir. Azərbaycanın qələbəsi onun hərbi strategiyalarının səmərəliliyini, ordunun yüksək döyüş hazırlığını və döyüş meydanında müasir texnologiyalardan istifadə etmək bacarığını bir daha vurğuladı. Bu uğur təkcə hərbi məharətin deyil, həm də milli birliyin, sosial səfərbərliyin və ölkənin ərazi bütövlüyünü bərpa etmək əzminin nəticəsi idi.

Bu Zəfər Paradı mürəkkəb münaqişələrin həllində beynəlxalq əməkdaşlığın və diplomatik səylərin vacibliyini də vurğulayır. Azərbaycan qələbə qazanaraq nümayiş etdirir ki, dialoq və diplomatiya beynəlxalq ziddiyyətlərin həlli üçün təməl ola bilər. Azərbaycanın qələbəsinin dərin və ciddi siyasi nəticələri vardır ki, o, ölkəyə regionun inkişafı və yenidən qurulması üçün yeni imkanlar təqdim edir, eyni zamanda digər ölkələri regional dinamika və maraqlara məhəl qoymamaqdan çəkindirir. Bundan əlavə, ikinci Qarabağ müharibəsində bu tarixi dönüş uzunmüddətli münaqişələrin diplomatik yolla həllinə qapı açır. Azərbaycanın qələbəsi regional siyasətdə balanslaşdırılmış və davamlı həll yollarının axtarışı üçün güclü təkan olur. Azərbaycan Respublikasının Prezidenti cənab İlham Əliyev müharibədən sonrakı dövrdə ölkəsinin siyasi statusunun formalaşmasında və möhkəmləndirilməsində əsas fiqur oldu. Onun rəhbərliyi Azərbaycanı dünya siyasətində mühüm oyunçuya çevirən bir sıra əsas aspektlərə mühüm təsir göstərmişdir. Birincisi, cənab İlham Əliyev ikinci Qarabağ müharibəsi başa çatdıqdan sonra ölkədə daxili sabitliyi möhkəmləndirə bildi. Onun ərazi bütövlüyünün bərpası və təhlükəsizliyin təmin edilməsi sahəsində enerjili fəaliyyəti, siyasi inkişaf üçün əlverişli şərait yaratmışdır. İkincisi, Azərbaycan Prezidenti müxtəlif ölkələrlə strateji tərəfdaşlıq və əməkdaşlıq əlaqələri bağlayaraq xarici əlaqələri fəal şəkildə inkişaf etdirdi. Bu, Azərbaycanın dünya arenasında mövqeyini möhkəmləndirməyə, regional və beynəlxalq məsələlərdə rolunu artırmağa imkan verdi. Bundan əlavə, ölkə Baçşısı investisiyaların stimullaşdırılması və ölkənin inkişafına təkan verən genişmiqyaslı iqtisadi islahatlar həyata keçirib. Bu, nəinki daxili iqtisadi bazanı gücləndirdi, həm də Azərbaycanı digər dövlətlər üçün cəlbedici tərəfdaşa çevirdi.

Bu parad işğal olunmuş torpaqların azad edilməsi ilə başa çatan hərbi münaqişə zamanı Azərbaycan xalqının dözümlülüyünü təcəssüm etdirir. Burada hərbi nizam-intizam, hərbi peşəkarlıq, ictimaiyyətin səfərbərliyi çətinliklər qarşısında milli birliyin möhkəmliyini vurğulanırdı. Bundan əlavə, parad hərbi münaqişələrdə insan itkisini xatırladır və sülhün vacibliyini vurğulayır, həm də azadlıq və sülh uğrunda canlarından keçənlərin müqəddəs ruhunu daha da şad edərək, gənc nəsilin gürür və ləyaqət predmetinə çevirilir.

Azərbaycanda keçirilən Qələbə Paradı sülhün, diplomatiyanın və regionda sabitlik istəyinin vacibliyi haqqında güclü mesaj verdi. Müharibədə qalib gəlməyin, həm də münaqişə bitdikdən sonra dinc gələcəyin qurulmasının vacib olduğunu göstərmək və anlatmaq əsas hədəflərimizdəndir. Həmçinin bu parad qlobal siyasi qüvvələr kontekstində mühüm hadisəyə çevrildi. Dəyişən ittifaqlar və strategiyalar fonunda Azərbaycan öz maraqlarını dünya miqyasında müdafiə etmək əzmini nümayiş etdirdi. Belə ki, Azərbaycanda keçirilən Qələbə Paradı təkcə döyüş meydanındakı qələbəni əks etdirmir, həm də qlobal siyasi şəbəkədə sülh və sabitliyin qurulmasının vacibliyini vurğulayır.

Beləliklə, Azərbaycanın çoxdan gözlənilən qələbəsi təkcə hərbi uğurları əks etdirmir, həm də regionda inkişaf, diplomatiya və sülhün qorunması sahələrində ölkə qarşısında yeni çağırışlar və imkanlar yaradır.

Masil Dəmirov

YAP Yasamal rayon təşkilatının fəal üzvü