Heç bir seçkidə belə fəallıq görməmişdim - Yerli müşahidəçi

“Mənim seçki prosesi ilə bağlı böyük təcrübəm var. Əvvəllər dairə seçki komissiyasının üzvü, o cümlədən məntəqə sədri olmuşam. İndiyə qədər belə fəal seçki prosesi görməmişdim”. Bunu "Səs" qəzetinə açıqlamasında yerli müşahidəçi Yəhya Abbasov deyib.

8 saylı Binəqədi birinci seçki dairəsi üzrə məntəqələrdə müşahidəçi qismində iştirak edən Y.Abbasov fikirlərinə belə davam edib: “Binəqədi rayon 244 nömrəli tam orta məktəbdə 8 saylı Binəqədi birinci seçki dairəsi üzrə üç məntəqə - 19, 20, 21 saylı məntəqələr yerləşir. Hələ səhər 8-in yarısında məktəbin həyətində 500-dən çox seçici var idi. Hazırda da məntəqələrə gəlib səs verən seçicilərin ardı kəsilmir. Bir müşahidəçi kimi seçicilərin fəallığını, prosesin isə şəffaf və demokratik aparıldığını görürük”.