Partiya fəalları ilə görüş keçirilib - FOTOLAR

16 aprel 2024-cü il tarixdə Yeni Azərbaycan Partiyası Samux rayon təşkilatının sədri Gündüz Bayramov Əhmədbəyli kənd və Ağasıbəyli kənd ərazi partiya təşkilatlarında partiya fəalları ilə növbəti görüş keçirdi.Görüş iştirakçıları Yeni Azərbaycan Partiyasının yaradıcısı ümümmilli lider Heydər Əliyevin və Azərbaycanın ərazi bütövlüyü uğrunda canlarından keçən şəhidlərimizin əziz xatirəsini bir dəqiqəlik sükutla yad etdilər.

YAP Samux rayon təşkilatının sədri Gündüz Bayramov çıxış edərək Müzəffər Ali Baş Komandan cənab İlham Əliyevin rəhbərliyi ilə 44 günlük Vətən müharibəsində qazanılan Zəfərlə torpaqlarımızın işğaldan azad olunmasından, bu ilin sentyabrın 20-də Qarabağ bölgəsində uğurla başa çatan antiterror tədbirləri nəticəsində Azərbaycanın öz suverenliyini bərpa etməsindən danışdı. O, bildirdi ki, sentyabrın 19-da başladılan və Azərbaycan Ordusunun uğurla başa çatdırdığı antiterror tədbirləri qalib xalqımızın şanlı zəfər tarixinə qızıl hərflərlə yazılmış yeni bir səhifədir. Əzəli və əbədi torpaqlarımız olan doğma Qarabağımız üzərində ölkəmizin suveren hüquqlarının tam bərpası ilə bitən bu böyük Qələbə yolunda canlarını fəda etmiş şəhidlərimizə Uca Allahdan rəhmət, yaralılarımıza şəfa dilədi.

Gündüz Bayramov həmçinin, Azərbaycan Respublikasının Prezidenti İlham Əliyevin 2024-cü il “Yaşıl dünya naminə həmrəylik ili” elan edilmişdir. Azərbaycanın 2030-cu ilə qədər sosial-iqtisadi inkişafa dair beş milli prioritetlərindən biri “Təmiz ətraf mühit və yaşıl artım ölkəsi” kimi müəyyən edilmişdir. Həmin prioritetə uyğun olaraq ətraf mühitin sağlamlaşdırılması, yaşıllıqların bərpası və artırılması, su ehtiyatlarından və dayanıqlı enerji mənbələrindən səmərəli istifadənin təmin edilməsi istiqamətində aparılan işlərdən danışdı.

Azərbaycanda yürüdülən ekoloji siyasətin əsas məqsədi indiki və gələcək nəsillərin ehtiyaclarını təmin etmək naminə təbii ehtiyatlardan səmərəli istifadə etməkdir. Ulu Öndərin ətraf mühitin qorunması, təbii sərvətlərdən səmərəli istifadə siyasəti Azərbaycan Respublikasının Prezidenti İlham Əliyevin rəhbərliyi altında uğurla davam etdirilir. Bu sahədə həyata keçirilən ardıcıl tədbirlər, görülən işlər və ətraf mühitin mühafizəsi sahəsində yeni uğurların əldə olunmasına təkan vermişdir.YAP-ın VII Qurultayından sonra ərazi partiya təşkilatlarının qarşısına qoyulan vəzifələrdən və bu vəzifələrin həyata keçirilməsindən, partiyada aparılan islahatlardan da söhbət açdı.

Gündüz Bayramov partiya üzvlərinə Yeni Azərbaycan Partiyasının sədri, ölkə Prezidenti cənab İlham Əliyevin yürütdüyü daxili və xarici siyasətin, çıxış və nitqlərindən irəli gələn vəzifələrin, verdiyi Fərman və Sərəncamların əhali arasında geniş təbliği və izahı istiqamətində görüləcək işlər barədə konkret tapşırıq və tövsiyələrini verdi.

Görüşdə çıxış edən partiya fəalları Yeni Azərbaycan Partiyasının müasir Azərbaycan dövlətinin siyasi və iqtisadi həyatındakı müsbət rolundan və çağdaş tariximizin yaradılmasındakı səmərəli fəaliyyətindən bəhs edərək, partiya üzvlərinin bundan sonra da, YAP-ın Proqram və Nizamnamə tələblərinə ciddi əməl etmələrini əsas vəzifə kimi qəbul etdiklərini bildirib, yaradıcısı Ulu Öndər Heydər Əliyev olan Yeni Azərbaycan Partiyasının üzvləri olaraq Azərbaycanımızın daha da inkişaf etməsinə , ölkəmizin beynəlxalq nüfuzunun artırılması üçün xalq-iqtidar birliyinin möhkəmləndirilməsinə xidmət edəcəyini vurğuladılar.

Sonda Gündüz Bayramov insanları narahat edən məsələləri dinlədi. Görüş iştirakçıları mövcud problemləri söylədilər. Görüşdə müraciət olunan məsələlər qeydə alındı və problemlərdən çıxış yolları müzakirə edildi.