04 may 2024-cü il tarixdə Yeni Azərbaycan Partiyası (YAP) Ağstafa rayon təşkilatının, Ağstafa Rayon İcra Hakimiyyətinin, Qazax – Tovuz Regional Gənclər İdman idarəsinin və Regional Təhsil idarəsinin birgə təşkilatçılığı ilə Ulu Öndər Heydər Əliyevin anadan olmasının 101-ci ildönümü münasibətilə yeniyetmə, gənclər arasında Sərbəst güləş üzrə region birinciliyi və Ərazi Partiya Təşkilatlarını təmsil edən üzvlər arasında şahmat üzrə rayon turniri keçirilib.
Tədbirlərə başlamazdan öncə Azərbaycan Respublikasının Dövlət Himni səsləndirilib.
Sonra Ümummilli Lider Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.
Yeni Azərbaycan Partiyası Ağstafa rayon təşkilatının sədri Etibar Hacıyev, Ağstafa Rayon İcra Hakimiyyətinin başçısı Seymur Orucov və Qazax – Tovuz Regional Gənclər İdman idarəsinin rəisi Əziz Məsmalıyev çıxış edərək iştirakçıları salamlayaraq onlara uğurlar arzulayıblar və keçirilmiş tədbirlərin əhəmiyyəti barədə ətraflı məlumat veriblər.
Gərgin idman mübarizəsi şəraitində keçən açıq regionbirinciliyində yüksək nəticə əldə etmiş yeniyetmə və gənclərə, şahmat üzrə keçirilən turnirdə yarışın qaliblərinə diplom və medallar təqdim olunub.
Tədbirlərin sonunda Yeni Azərbaycan Partiyasının Himni səsləndirilib.
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
