Siyasət

  • 2 555

Rusiya ekspertləri: İrəvan böyük bəlaya düçar olmaq üzrədir - RƏYLƏR

image

Rusiya yenə də Ermənistana çox açıq şəkildə xəbərdarlıq etdi. “Ermənistanın tələsik addımları Rusiya və Kollektiv Təhlükəsizlik Müqaviləsi Təşkilatının (KTMT) digər ölkələri ilə ümumi müdafiə məkanının yaradılması üzrə birgə işə qayıtmağı qeyri-mümkün edə bilər”,- Rusiya xarici işlər nazirinin müavini Mixail Qaluzin TASS-a müsahibəsində deyib. Onun sözlərinə görə, qərblilərin milli məlumat bazalarına və ölkənin təhlükəsizliyinə həssas olan məlumatlara tam çıxışını təmin edəcək tələsik qərarlar son nəticədə dövlətin suverenliyinə təhlükə yaradır. “Qərbin əsas vəzifələrindən biri Avrasiyadakı inteqrasiya proseslərinə xələl gətirməkdir, bizim ümumi inteqrasiya layihələrimiz- KTMT, MDB, Aİİ- onların boğazında sümük kimidir”,- Rusiya XİN rəhbərinin müavini qeyd edib.

Bu xəbərdarlığı necə oxuyub xarakterizə etməliyik? Bu o demək deyilmi ki, İrəvan qırmızı xətləri keçib? Rusiyalı siyasi ekspertlər bu sualların cavabını “Caliber” analitik mərkəzinə rəylərində açıqlayıblar. Ekspertlərin fikirlərini oxucularımıza təqdim edirik.

“Kreml KTMT çərçivəsində Ermənistanı heç bir xarici təhlükədən qorumayacağını açıq şəkildə bildirir”

Politoloq, yazıçı və publisist Kirill Sitnikovun fikrincə, Qaluzinin İrəvana verdiyi bəyanatı ətraflı nəzərdən keçirmək lazımdır.

“Qaluzinin bəyanatında ittiham xarakterli deyil, tövsiyə xarakterli qeydlər olsa da, məsələn, Zaxarovanın Ermənistana ünvanladığı son bəyanatlarından fərqli olaraq, bu yumşaqlıq da həyəcan vericidir. Bütün bunların arxasında Moskvanın İrəvanın davranışından açıq-aşkar narazılığı dayanır və hətta bəzi qırmızı xətlər də çəkilib. Kreml KTMT bloku çərçivəsində Ermənistanı heç bir xarici təhlükədən qorumayacağını tamamilə açıq şəkildə bildirir və bu, çox konkret mesajdır. Eyni zamanda biz görürük ki, İrəvan Moskvanın xəbərdarlığını tamamilə düzgün qiymətləndirmir, İrəvanın karlığı açıq şəkildə Kremli qıcıqlandırır və onlar da bununla bağlı planlar hazırlayırlar.

Qeyd etmək lazımdır ki, İran rəhbərliyinin ölümü, məncə, İrəvanın qərbyönlü kursunda da öz izini qoydu. Ermənistan bir müddət susdu, çünki Tehranın gələcək rəhbərliyinin Yerevanın özləri üçün təhlükə hesab edəcəkləri manevrlərinə münasibəti hələ tam bəlli deyil. Deməli, görünür, İrəvan bir müddət Qərb manevrlərini planlaşdırdığından daha az dinamika ilə aparacaq. Lakin bu, Rusiyanın narahatlığını azaltmadı- buna görə də Qaluzin belə bir açıqlama verdi: Moskva İrəvanın tam nəzarət edə bilmədiyi pərdəarxası oyunlarından ciddi şəkildə narahatdır. Ermənistan rahatlamamalıdır, onun üçün daha yaxşı olar. Qaluzinin mesajı Moskvadan İrəvan üçün sonuncu xəbərdarlığı ola bilər”,- K.Sitnikov deyir.

“Moskva İrəvandan geosiyasi təhlükə görsə, hər şey çox acınacaqlı bitə bilər. Kreml ilk zərbəni vura bilər”

Politoloq Vladislav Gerdinin fikrincə, çox aydındır ki, İrəvan həmişə olduğu kimi, özünün başladığı oyunda iştirak etmək istəmədiyini nümayiş etdirir.

“Paşinyan Şuşada inamla Azərbaycan rəqsini oynayaraq Bakını təxribata çəkdi, lakin cəmi bir neçə aydan sonra o, hərəkət etmək və adekvat qərarlar qəbul etmək qabiliyyətini tamamilə itirmiş titrəyən iflicə bənzədi. İndi İrəvan da demək olar ki, oxşar vəziyyətdədir- o, böyük çətinliklərlə qarşılaşmaq riski ilə üzləşir, sonra yenidən əllərini yuxarı qaldırıb çaşqın gözlərlə üzləşir. İrəvan öz hərəkətlərində tamamilə dağıdıcıdır və “necə olacaqsa, elə də olacaq” prinsipi ilə gündəmə uyğun işləyir. Və əgər Moskva indi İrəvanda geosiyasi təhlükə görsə, o zaman hər şey çox acınacaqlı bitə bilər. Kreml ilk zərbəni vura bilər, o, Ermənistanı çərçivəyə sala, ərazi bütövlüyünün zərbə altına alınacağı qalmaqala sürükləyə və ya sadəcə olaraq bütün gömrük güzəştlərini ləğv etməklə Aİİ-yə gedən yolu bağlaya bilər. Ermənistan bütün bu kombinasiyaları öz iradəsi ilə başlayıb və buna görə cavab verməli olacaq. Və mənə elə gəlir ki, xarici işlər nazirinin müavini Qaluzin sətirlər arasında məhz bu barədə xəbərdarlıq edir”, - deyə V.Qerdin yekunlaşdırıb.

Tərcümə - Elçin Bayramlı

Digər xəbərlər