Astana sammitindən gözləntilərimiz çoxdur - ŞƏT-in baş katibi Zhang Ming

Şanxay Əməkdaşlıq Təşkilatının baş katibi Çjan Minq eksklüziv müsahibəsində Astana sammitində hansı yekun sənədlərin imzalanacağı, təşkilatın gələcəkdə genişlənməsini gözləməli olub-olmaması, eləcə də ŞƏT-də islahatlar planları barədə danışıb. SİA xəbər verir ki, baş katib Astana sammitindən gözləntilərini də açıqlayıb: "Əminik ki, Dövlət Başçıları Şurasının Astanada keçirilən iclası qeyri-sabit və çətin vəziyyət fonunda Təşkilatın sağlam və dinamik inkişafına yeni təkan verən, ŞƏT tarixində daha bir səmərəli, praqmatik və uğurlu sammit olacaq. Siyasi nöqteyi-nəzərdən Astana Bəyannaməsinin qəbulu ilə yanaşı, biz gözləyirik ki, ŞƏT-ə üzv dövlətlərin başçıları Qazaxıstan Respublikasının Prezidenti Kasımın təklif etdiyi sənəd kimi prinsipial yeni sənədlərin möhkəm paketini nəzərdən keçirəcəklər. Bunlar Jomart Tokayevin keçən ilki sammitdə “Ədalətli dünya naminə dünya birliyi” təşəbbüsü və razılıq” və Özbəkistanın “ŞƏT-ə üzv dövlətlərin başçıları Şurasının mehriban qonşuluq, etimad və transsərhəd tərəfdaşlıq prinsipləri haqqında bəyanatı” layihəsidir”.Zhang Ming əavə edib ki, təhlükəsizlik sahəsində əməkdaşlıq ŞƏT yaradılandan bəri davamlı şəkildə gücləndirilən prioritet sahədir: "Dövlət Başçıları Şurasının iclasında terrorizmlə mübarizə, narkotiklərlə mübarizə, transsərhəd mütəşəkkil cinayətkarlığın qarşısının alınması kimi sahələrdə əməkdaşlıq məsələləri üzrə yeni razılaşmaların əldə olunacağı gözlənilir. Ticarət-iqtisadi əməkdaşlıq və humanitar mübadilələr üzv dövlətlərin liderləri və xalqlarının diqqətini və gözləntilərini getdikcə daha çox cəlb edir. Sammitdə Təşkilatın mərhələli inkişaf strategiyası, enerji, investisiya və maliyyə, ətraf mühitin mühafizəsi və ekologiya, turizm kimi əsas sahələrdə əməkdaşlıq müzakirə olunacaq. ŞƏT-in inkişafı üzv dövlətlərin böyük önəm verdiyi sahədir və bütün tərəflərin diqqət mərkəzindədir. Dövlət başçıları ŞƏT baş katibinin 2023-2024-cü illər üzrə fəaliyyəti haqqında hesabatına baxacaqlar. Bu tədbir Qazaxıstanın təşkilata sədrliyi çərçivəsində ŞƏT orqanlarının sonuncu iclasıdır və əminik ki, tərəfdaşlar yüksək peşəkar səviyyədə keçirəcəklər. Katiblik öz növbəsində üzv dövlətlərə ŞƏT çərçivəsində zirvə görüşünün təşkilində həmkarları üçün lazım olan maksimum yardımı göstərməyə hazırdır".

V.VƏLİYEV