4 saylı seçki məntəqəsi üzrə seçicilərə bildirişlər paylanılıb

“8 saylı Binəqədi birinci Seçki Dairəsinin 4 saylı seçki məntəqəsi səsvermə gününə tam hazırdır. Məntəqədə növbədənkənar parlament seçkilərinin qanunvericiliyin tələblərinə uyğun şəkildə keçirilməsi üçün bütün şərait yaradılıb”.Bunu “Seçki 2024” Müstəqil Media Mərkəzinə açıqlamasında 8 saylı Binəqədi birinci Dairə Seçki Komissiyasının 4 saylı Məntəqə Seçki Komissiyasının (MnSK) sədri Fəridə Yunusova deyib. Onun sözlərinə görə, MnSK-nın üzvləri aşağı seçki komissiyaları üçün təşkil edilən treninqlərdə iştirak ediblər.Sədr əlavə edib ki, seçicilərə səsvermənin tarixi, vaxtı və yeri barədə bildirişlər paylanılıb: “Seçici siyahılarına görə, məntəqə üzrə 1 198 seçici qeydə alınıb və ən yaşlı seçicinin 91 yaşı var.Məntəqə, həmçinin lazımi texniki vasitələrlə təmin edilib. Səsvermənin gedişini izləmək üçün məntəqədə veb-kamera quraşdırılıb”.