Laçın şəhərində ən yaşlı seçicinin 96 yaşı var

“Məntəqəmiz sentyabrın 1-də keçiriləcək Milli Məclisə seçkilərə tam hazırdır”“Seçki 2024” Müstəqil Media Mərkəzinin məlumatına görə, bunu 121 saylı Laçın Seçki Dairəsinin Laçın şəhərində yerləşən 106 saylı seçki məntəqəsinin sədri Qardaşxan Dostuyev deyib.O bildirib ki, artıq seçicilərə bildirişlər paylanılıb. “Çox fərəhləndiricidir ki, laçınlılar ilk dəfə doğma yurdlarında öz deputatlarını seçəcəklər”, - deyə məntəqə sədri bildirib.Sədr qeyd edib ki, məntəqədə 1320 nəfər seçici var: “Seçicilərimiz arasında 18 yaşına çataraq ilk dəfə səsvermə hüququndan istifadə edən gənclərimiz var. Ən yaşlı seçicimizin 96 yaşı var”.