Şimali Kipr Türk Cümhuriyyətinin (ŞKTC) aparıcı telekanalları, xəbər agentlikləri, qəzetləri və xəbər saytları Azərbaycan Prezidenti İlham Əliyevin Türk Kiprinə dəstəklə bağlı sözlərini geniş işıqlandırıb. SİA xəbər verir ki, ŞKTC-nin media strukturları Azərbaycan liderinin Türkiyə-Azərbaycan parlamentlərarası dostluq qrupunun sədri Şamil Ayrımın başçılıq etdiyi Türkiyə parlamentinin nümayəndə heyəti ilə görüşdə səsləndirdiyi mövqeyini oxuculara çatdırıb.
Prezident İlham Əliyevin Azərbaycanın ŞKTC-yə göstərdiyi davamlı dəstək, o cümlədən Lefkoşanın Şuşada keçirilən Türk Dövlətləri Təşkilatının qeyri-rəsmi Zirvə görüşündə iştirakının əhəmiyyəti barədə söylədiyi fikirlərə diqqət çəkilib.
Azərbaycan dövlətinin başçısının İrəvan tərəfindən sülh prosesinin qəsdən ləngidilməsi barədə sözləri sitat gətirilir, bir sıra Qərb institutlarının qərəzli mövqeyi və ayrı-ayrı ölkələr, xüsusən də Fransa tərəfindən Ermənistanın silahlandırılmasının yolverilməzliyi diqqətə çatdırılır.
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
