Yeni Azərbaycan Partiyası (YAP) Xaçmaz rayon təşkilatının inzibati binasında 8 Mart - Beynəlxalq Qadınlar Günü münasibətilə görüş keçirilib.
Görüşdə partiya fəalları, gənclər və ərazi partiya təşkilatlarının xanım sədrləri iştirak ediblər.
Tədbiri giriş sözü ilə açan YAP Xaçmaz rayon təşkilatının sədri Məhəmməd Balaqadaşov ölkəmizdə qadınlara göstərilən diqqət və qayğıdan danışıb, onların cəmiyyətin bütün sahələrində, həmçinin ölkəmizin ictimai-siyasi həyatında fəallıq nümayiş etdirdiklərini vurğulayıb.
Tədbirdə, həmçinin partiya fəallarından Könül Əskərova, İradə Çobanova, Sevinc Sədullayeva və Telnaz Adıgözəlova çıxış edərək ölkəmizdə qadınların uğurlu fəaliyyəti üçün yaradılan hərtərəfli şəraitə görə Prezident İlham Əliyevə və birinci xanım Mehriban Əliyevaya dərin minnətdarlıqlarını bildiriblər.
Tədbirdə yubiley yaşlarını qeyd edən Gülnaz Şirinova və Çinarə Məmmədli Fəxri Fərmanla təltif edilib.
Sonda YAP sıralarına yeni qəbul olunmuş bir qrup gəncə partiya vəsiqələri təqdim edilib.
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
.jpg)
