Qazaxda Aprel döyüşləri şəhidlərinin xatirəsi anılıb

Yeni Azərbaycan Partiyası (YAP) Qazax rayon təşkilatında Vətən müharibəsindəki möhtəşəm Qələbənin başlanğıcı kimi dəyərləndirilən Aprel döyüşlərinin doqquzuncu ildönümü münasibətilə tədbir keçirilib.

Əvvəlcə tədbir iştirakçıları Aprel döyüşlərində şəhid olmuş Fərəhli kəndindən kapitan Mühüd Orucov, Yuxarı Salahlı kəndindən baş leytenant Elvin Namazov və Aslanbəyli kəndindən əsgər Orxan Əliyevin məzarlarını ziyarət ediblər.
Tədbirdə Ulu Öndər Heydər Əliyevin və Azərbaycanın ərazi bütövlüyü uğrunda həlak olan şəhidlərimizin əziz xatirəsi bir dəqiqəlik sükutla yad edilib.
YAP Qazax rayon təşkilatının sədri Anar Nəbiyev Aprel döyüşlərində Lələtəpə, Talış yüksəklikləri və digər bir sıra mühüm strateji yüksəkliklərin işğaldan azad edilməsindən, Azərbaycan əsgərlərinin əfsanəvi qəhrəmanlıqlarından, torpaqlarımızın azadlığı uğrunda canından keçən şəhidlərimizin döyüş yolundan bəhs edib.
Partiya üzvləri Polad Ağakişiyev, Fərhad Qocamanov, Çingiz Məmmədov və digərləri Aprel döyüşlərinin tarixi əhəmiyyəti barədə geniş məlumat veriblər.