Milli Məclisin deputatı Anar Məmmədov şəhid ailəsini ziyarət edib

Milli Məclisin deputatı Anar Məmmədov Tərtər şəhərində şəhid Yaqub Abdulla oğlu Qəhrəmanlının ailəsini ziyarət edib.Millət vəkili Vətən naminə canını fəda edən, torpaqlarımızın ərazi bütövlüyü yolunda öz qanı ilə şəhidlik zirvəsinə ucalan igid oğullarımıza Allahdan rəhmət, ailələrinə səbr diləyib. O bildirib ki, Ali Baş Komandan İlham Əliyevin rəhbərliyi ilə mənfur düşmənə ağır zərbə vuran, adlarını qəhrəmanlıq salnaməsinə yazmaqla Vətənin bölünməzliyinə imza atan şəhidlərin adını uca tutmaq, əbədiləşdirmək, onların doğmalarına, ailə üzvlərinə təskinlik verərək diqqət və qayğı göstərmək hər birimizin vətəndaşlıq borcumuz, ən ümdə vəzifəmizdir.Milli Məclisin deputatı Anar Məmmədov qeyd edib ki, hər birinin həyatı bir qəhrəmanlıq dastanı olan şəhidlərimizlə qürur duyur, onların ruhunu ehtiramla yad edirik.Şəhidin ailə üzvləri onlara göstərilən diqqət və qayğıya görə Azərbaycan Respublikasının Prezidenti İlham Əliyevə və Birinci vitse-prezident Mehriban Əliyevaya öz minnətdarlıqlarını bildiriblər.