Prezidentin iqlim məsələləri üzrə nümayəndəsi çağırış edib

Prezidentin iqlim məsələləri üzrə nümayəndəsi Muxtar Babayev dünya ölkələri və təşkilatlarını Qlobal Cənubu dəstəkləməyə çağırıb. SİA xəbər verir ki, o, bununla bağlı aprelin 28-də Bakıda keçirilən Qlobal Cənub QHT Platformasının təsis konfransında çıxışında bildirib."Qlobal Cənub QHT Platformasına üzv təşkilatları və digər ölkələri birliyə çağırıram. Çünki deyilən hər fikir və ideya bu dəqiqə bizim üçün böyük önəm daşıyır", - M.Babayev qeyd edib.Prezidentin nümayəndəsi xatırladıb ki, COP29 dövründə əsas məqsədlərdən biri dəstəyə ehtiyacı olan ölkələrə maliyyə proqramının razılaşdırılması idi:"Bu dövrdə iqlim dəyişiklikləri çağırışlarında QHT-lər, yerli təşkilatlar, gənclər təşkilatları bizimlə birgə oldular. İqlim təşəbbüsləri ətrafında hər kəs toplaşdı. Ən önəmlisi budur ki, biz onların dəstəyini hiss etdik".