AĞSTAFA RAYONUNDA TOVUZ DÖYÜŞLƏRİ ŞƏHİDİ VÜQAR SADIQOVUN DOĞUM GÜNÜNDƏ XATİRƏSİ ANILIB

Bu gün 2020-ci ildə Tovuz döyüşləri zamanı şəhid olmuş ağstafalı Sadıqov Vüqar Lətif oğlunun doğum günü münasibətilə Göycəli kəndində məzarı ziyarət olunub, önünə gül dəstələri düzülərək, əziz xatirəsi ehtiramla anılıb, ruhuna dualar oxunub.

Tədbirdə Yeni Azərbaycan Partiyası Ağstafa rayon təşkilatının sədri Etibar Hacıyev, Ağstafa Rayon İcra Hakimiyyəti aparatının “Vətən müharibəsi iştirakçıları və şəhid ailələri ilə işin təşkili şöbəsi”nin müdiri Ariz Qədiməliyev, şəhidimizin ailə üzvləri, şəhid ailələri və rayon ictimaiyyətinin nümayəndələri iştirak ediblər.

Tədbir çərçivəsində həmçinin Vətən müharibəsi şəhidi Mehtizadə Qurban Aydın oğlunun da məzarı ziyarət olunub, məzarı önünə gül dəstələri düzülərək, əziz xatirəsi ehtiramla anılıb.

Allah bütün şəhidlərimizə rəhmət eləsin!