Ağstafada “28 May – Müstəqillik günü” münasibəti ilə silsisilə tədbirlər davam etdirilir FOTOLAR

22 may 2025-ci il tarixində Yeni Azərbaycan Partiyası Ağstafa rayon təşkilatının “Sadıqlı kənd”, “Böyük Kəsik kənd”, “Muğanlı kənd”, “Köçvəlili kənd” və “Qarayazı qəsəbə” Ərazi Partiya Təşkilatlarının iştirakı ilə “28 May – Müstəqillik günü” münasibətilə tədbir keçirilib.

Tədbirdə ilk öncə Ümummilli Lider Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan “Muğanlı kənd” Ərazi Partiya Təşkilatının sədri Nəbi Mursaquliyev bildirib ki, 28 May - Respublika Günü şanlı tariximizə qızıl hərflərlə həkk olunmuş, hər bir Azərbaycan vətəndaşının qürur mənbəyi olan bir gündür. 1918-ci il mayın 28-də mürəkkəb siyasi hərbi-şəraitdə əsarət altında yaşayan, tarixi, mədəniyyəti, dili, dini sıxışdırılan Azərbaycan xalqı özünün və Şərqin ilk demokratik, hüquqi, dünyəvi və parlamentli respublikasını yaradıb.

Daha sonra çıxış edən natiqlər – YAP Ağstafa rayon təşkilatının əməkdaşı Tağı İmamverdiyev, veteran partiyaçı Fəxrəddin Səfiyev və Böyük Kəsik kənd tam orta məktəbin direktor müavini Rəşad Əfəndi geniş məruzə ilə çıxış edərək qeyd ediblər ki, Azərbaycan Xalq Cümhuriyyətinin qurulması xalqımızın həyatında yeni bir mərhələnin başlanğıcı oldu. Ulu Öndərimiz dəfələrlə bildirirdi ki, biz bu gün demokratik Azərbaycan dövlətini qururuqsa, ayağa qaldırırıqsa, bunu Xalq Cümhuriyyətinə borcluyuq. Azərbaycan Xalq Cümhuriyyətinin tariximizdəki yeri və roluna xüsusi qiymət verən Heydər Əliyev deyirdi: “Biz ilk Demokratik Cümhuriyyətin yaranması gününü əziz tutaraq, onu Azərbaycanın dövlət müstəqilliyi günü - Respublika Günü elan etmişik və bu, bizim milli bayramımızdır”.