Müstəqil və qüdrətli Azərbaycan dövlətinin təməlinin qoyulduğu gün - FOTOLAR

Yeni Azərbaycan Partiyası Şəmkir rayon təşkilatı Ulu Öndər Heydər Əliyevin Azərbaycanda birinci dəfə siyasi hakimiyyətə gəlməsinin 56-cı ildönümü həsr olunmuş tədbir keçirdi.

YAP Şəmkir rayon təşkilatının inzibati binasında keçirilən tədbirdə Yeni Azərbaycan Partiyası Şəmkir rayon təşkilatının sədri Fəxrəddin Vəliyev, ərazi partiya təşkilat sədrləri və partiya fəalları iştirak etdilər.

Tədbir Ulu Öndər Heydər Əliyevin və Azərbaycanın müstəqilliyi, suverenliyi və ərazi bütövlüyü uğrunda həlak olan şəhidlərimizin xatirəsinin bir dəqiqəlik sükutla yad edilməsi ilə başladı. Ardınca Azərbaycan Respublikasının Dövlət Himni səsləndirildi.

Tədbirdə Yeni Azərbaycan Partiyası Şəmkir rayon təşkilatının sədri Fəxrəddin Vəliyev 1969-cu ildə Azərbaycana rəhbərliyə gələn Heydər Əliyevin Azərbaycan Respublikasının dünya dövlətləri arasında öz yerini tutması üçün yorulmaz fəaliyyətindən geniş şəkildə bəhs etdi. O, həmçinin öz çıxışında qeyd etdi ki, Yeni Azərbaycan Partiyası o vaxtkı mövcud vəziyyətdə Azərbaycan xalqının mənafelərinə xidmət etmək və ölkəmizin qarşısında duran bütün məsələlərin həlli üçün zamanın tələblərinə uyğun olaraq zərurətdən yaranmış bir partiyadır. Azər Süleymanov eyni zamanda, Ümummilli Lider Heydər Əliyevin müstəqil Azərbaycanın formalaşması və inkişafı istiqamətindəki gördüyü misilsiz xidmətlərindən və Heydər Əliyev yolunun layiqli davamçısı Prezident İlham Əliyevin ata vəsiyyətini şərəflə yerinə yetirərək, tariximizə 44 günlük Vətən müharibəsində Zəfər yazmasından, prezidentlik fəaliyyəti dövründə ölkə həyatının bütün sahələrində verdiyi vədlərin hamısının yerinə yetirməsindən çox böyük həvəslə danışdı. Azər Süleymanov onu da bildirdi ki, Azərbaycan Respublikasının Birinci vitse-prezidenti Mehriban xanım Əliyevanın ölkəmizdə beynəlxalq sülh, təhlükəsizlik, mədəniyyətlərarası və dinlərarası dialoq mühitinin formalaşması, möhkəmlənməsi, tarixi mədəni irsin qorunması, təhsilin, səhiyyənin inkişafı, əhalinin həssas təbəqələrinin, o cümlədən məcburi köçkünlərin, şəhid ailələrinin, qazilərin problemlərinin həlli kimi olduqca vacib məsələlərin həllində böyük töhfələr vermişdir.

Daha sonra çıxış edən Qazax-Tovuz Regional Mədəniyyət İdarəsinin baş məsləhətçisi, Şəmkir rayonu üzrə nümayəndə Sənan Məmmədli, Şəmkir Rayon Heydər Əliyev mərkəzin əməkdaşı Arzu Həsənova, Şəmkir rayon 7 illik Uşaq Musiqi Məktəbinin əməkdaşı Günel Ələkbərova, Şəmkir rayon Mərkəzləşdirilmiş Kitabxana sisteminin əməkdaşı Günay Nəbiyeva və digərləriölkəmizin çoxəsrlik dövlətçilik tarixində Heydər Əliyev epoxasının müstəsna yeri vardır. Bu mənada, Ulu Öndərin Azərbaycanda birinci dəfə siyasi hakimiyyətə gəldiyi 1969-cu ilin 14 iyul günü xalqımızın tarixi taleyində oynadığı misilsiz rolu ilə daim xatırlanır. Bu tarix Azərbaycanın xilasının birinci mərhələsi, xalqın özünə qayıdış tarixidir. Dünya şöhrətli siyasi xadim öz müdrik fəaliyyəti ilə müasir tariximizin ən şanlı və parlaq salnaməsini yaradıb. Buna görə də Ümummilli Liderimizin xalqa xidmətdə keçmiş parlaq və mənalı ömrünün hər anı siyasi təqvimimizdə özünəməxsus yerə malikolduğunu qeyd etdiler.

Sonda Yeni Azərbaycan Partiyasının himni səsləndi və tədbir qapalı elan edildi.