“Şuşa Media Forumu artıq ənənəvi xarakter alıb”

III Şuşa Qlobal Media Forumu bir çox baxımdan böyük tarixi önəmə, siyasi əhəmiyyətə malikdir. Bu Forum hər şeydən öncə dövlətimizin, onun Prezidenti cənab İlham Əliyevin timsalında ədalətin təntənəsi, haqqın yenilməzliyinin sübutudur.

III Şuşa Qlobal Media Forumda 52 ölkədən 140-a yaxın xarici qonaq, o cümlədən 30-dan çox informasiya agentliyi, 7 beynəlxalq təşkilat və 80-ə yaxın media qurumu, həmçinin sahə üzrə əlaqəli digər təşkilatlardan nümayəndələr iştirak etmişlər. Forumda əcnəbi media təmsilçiləri ilə yanaşı, Azərbaycanın media nümayəndələri, ekspertlər və rəsmilərdə iştirakçı olmuşlar. Dünyanın aparıcı mətbuat orqanlarının xüsusi diqqət mərkəzində olan III Şuşa Qlobal Media Forumu Azərbaycan həqiqətlərinin və qlobal proseslərlə bağlı mövqeyinin nümayiş etdirilməsində, media təhlükəsizliyinin təminatı və dezinformasiyalarla mübarizədə mühüm platformaya çevrilib. Forum Qarabağda sülh, sabitlik və inkişaf mənzərəsini qlobal auditoriyaya təqdim etmək baxımından da olduqca əhəmiyyətlidir. Azərbaycan həm regionun yenidən qurulması, həm də informasiya suverenliyinin bərpası ilə bağlı beynəlxalq mesaj verir. Jurnalistlərin Şuşada, Xankəndidə və digər ərazilərdə reallıqları yerində görməsi və paylaşması obyektivliyin artırılmasına xidmət edir.
İyulun 19-da Azərbaycan Respublikasının Prezidenti İlham Əliyevin Xankəndidə “Rəqəmsal keçidlər: Süni intellekt dövründə informasiya və media dayanıqlılığının gücləndirilməsi” mövzusunda III Şuşa Qlobal Media Forumunun iştirakçıları ilə görüşü keçirilib. Ölkə Başçısı cənab İlham Əliyev Forum iştirakçılarının suallarını cavablandırıb. Ölkəmizin Prezidenti cənab İlham Əliyev qeyd etmişdir ki, ”Üçüncü dəfədir ki, belə bir mühüm tədbir Qarabağda keçirilir. Şuşa Media Forumu artıq ənənəvi xarakter alıb. Ümid edirəm ki, bu ənənə davam edəcək və vaxt keçdikcə qonaqların sayı artır, coğrafi əhatə daha da genişlənir. Bütün bunlar bir daha göstərir ki, ən mühüm mövzuların mehriban şəraitdə açıq müzakirələrinə böyük ehtiyac var”. Prezident İlham Əliyevin Forum çərçivəsində ən müxtəlif məsələlərlə bağlı jurnalistlərin suallarına verdiyi cavablar Azərbaycanın yalnız milli maraqlarının deyil, həm də beynəlxalq hüququn, əzilən, işğala məruz qalan bütün xalqların yanında yer aldığını, dövlətimizin hər zaman haqqa, ədalətə sadiqliyinin bariz təzahürüdür.

Səyyad Mirzəyev

YAP Ağdam rayon təşkilatının əməkdaşı