Putin Zelenski ilə görüşlə bağlı cavab verib

Vladimir Putin açıq şəkildə bildirib ki, o, Donald Trampla görüşdə və yəqin ki, Ukrayna prezidenti ilə danışıqlara “şərait yaratmaqda” problem görmür. Rusiya lideri Vladimir Putin Ukrayna prezidenti Vladimir Zelenski ilə görüşünü istisna etməyib, lakin bunun üçün nəzərdə tutulan şəraitin olmamasından şikayətlənib. O, bu barədə cümə axşamı, avqustun 7-də rusiyalı təbliğatçılara verdiyi şərhdə bildirib.

"Mən artıq dəfələrlə demişəm ki, ümumilikdə buna qarşı heç bir şeyim yoxdur. Bu mümkündür, amma bunun üçün müəyyən şərait yaradılmalıdır", - deyə o, müvafiq sualı cavablandırıb. Putin əlavə edib ki, təəssüf ki, belə şəraitin yaradılması hələ də “uzaqdadır”.

Eyni zamanda o, Amerika prezidenti Donald Trampla görüş üçün mümkün yerlərdən biri kimi BƏƏ-nin adını çəkib. "Belə bir tədbirin təşkilində bizə kömək etməyə hazır olan çoxlu dostlarımız var. Dostlarımızdan biri BƏƏ prezidentidir. Düşünürəm ki, biz qərar verəcəyik, lakin bura kifayət qədər uyğun yerlərdən biri olardı", - Putin bildirib.

Kreml rəhbərinin sözlərinə görə, həm ABŞ, həm də Rusiya görüşdə maraqlı olduqlarını bildiriblər və “kimin ilk olaraq hansı sözü deməsinin əhəmiyyəti yoxdur”.

Bu gün səhər saatlarında Kreml bəyan edib ki, Rusiya və ABŞ iki ölkə liderləri Vladimir Putin və Donald Tramp arasında “yaxın günlərdə” görüş barədə razılığa gəliblər.

Eyni zamanda, hələ iyun ayında həmin Kreml nümayəndələri Tramp-Putin görüşündə “məqsəd görmədiklərini” bildiriblər. Çünki Amerika və Rusiya tərəfləri liderlərin görüşməsi üçün hələ ki, öz “ev tapşırığını” yerinə yetirməyiblər.

VƏLİ